English | عربی | Kurdî دواهەواڵ
ڕاستەوخۆ  
 
سلێمانی.. ده‌ستبه‌سه‌ر زیاتر له‌ 99 كیلۆ ماده‌ی سه‌ره‌تایی هۆشبه‌ردا گیراوه‌
2020-12-06 [11:11 AM]

ZNA - هه‌ولێر


 

عەمید پشتیوان بەهائەدین، بەڕێوەبەری نەهێشتنی ماددە هۆشبەرەکان لە ئاسایشی سلێمانی، لە کۆنگرەیەکی رۆژنامەوانیدا ئاماری دەستگیرکراوەکانی 11 مانگی رابردووی ئەمساڵیشی ئاشکرا کرد و دەستگیرکردنی چەند باندێک لەناو شاری سلێمانی راگه‌یاند کە کاریان بەکارهێنان و بازرگانیکردن بە ماددە هۆشبەرەکان بووە.

عەمید پشتیوان بەهائەدین رایگەیاند، لە ماوەی رابردوودا بە هەوڵ و توانای هێزەکانمان توانیمان چەند باندێک لەناو شاری سلێمانی دەستگیر بکەین کە کاریان بەکارهێنان و بازرگانیکردن بە ماددە هۆشبەرەکان بووە، هه‌ر لە ماوەی رابردوودا دەست بەسەر 99 کیلۆ و نیو ماددەی سەرەتاییدا گیراوه‌ کە لە دروستکردنی حەشیشدا بەکاردەهێندرێت.

هەروەها عەمید پشتیوان بەهائەدین باسی لەوە کرد، لە ماوەیەکی زۆر کورتدا هێزەکان توانیویانە 23 کەس دەستگیر بکەن کە هەندێکیان بەکارهێنەر و هەندێکیشیان بازرگانییان بە ماددە هۆشبەرەکانەوە کردووە.

لەبارەی ئامارەکانی ئەمساڵەوە لە 2020/01/01ـەوە تاوەکو 2020/12/01، بەڕێوەبەری نەهێشتنی ماددە هۆشبەرەکان لە ئاسایشی سلێمانی گوتی: "بە فەرمانی دادوەر پەڕاوی لێکۆڵینەوەمان بۆ 257 کەس کردووەتەوە بۆ ئەوانەی کە بەکارهێنەر و بارزگانی ماددە هۆشبەرەکان بوون. لەو 257 پەڕاوە، 262 کەس زیندانی کراون، بەشێکیان لەوانە رەوانەی دادگا کراون، بەشێکیان بە بڕیاری دادوەر دوای ماوەیەک لە پشکنین و بەدواداچوون کە دەرکەوتووە هیچیان لەسەر نەبووە، ئازادکراون. ئێستا 138 کەس لە قۆناخی لێکۆڵینەوەدان و هەندێکیان رەوانەی دادگا کراون."

بە گوتەی عەمید پشتیوان ئەو کەسانەی لەو ماوەیەدا گیراون، "هەشت کەسیان ئێرانی بوون، 4 کەسیان عەرەب بوون، بە داخەوە 16 کەسیشیان لە رەگەزی مێ بوون."

 





ئەم هەواڵە 301جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad