English | عربی | Kurdî دواهەواڵ
ڕاستەوخۆ  
 
وەزیری دەرەوەی عێراق و نێردەی تایبەتی سەرۆکی ئەمریکا بۆ سووریا كۆ بوونه‌وه‌
2020-12-07 [11:40 AM]

ZNA - هه‌ولێر


 

وەزیری دەرەوەی عێراق، فوئاد حوسێن و نێردەی تایبەتی سەرۆکی ئەمریکا بۆ سووریا، جۆیل رایبورن چۆنیەتی گەیشتن بە چارەسەرێکی سیاسیی بۆ کێشەی سووریا تاوتوێ کرد.

وەزارەتی دەرەوەی عێراق لە راگەیەنراوێکدا بڵاویکردەوە کە فوئاد حوسێن و جۆیل رایبورن لە پەراوێزی کارەکانی کۆڕبەندی گفتوگۆی ٢٠٢٠ی مەنامە، کۆبوونەتەوە.

بەپێی راگەیەنراوەکە لە کۆبوونەوەکەدا، چۆنیەتی گەیشتن بە چارەسەرێکی سیاسیی بۆ کێشەی سووریا تاوتوێ کراوە و لەوبارەیەوە وەزیری دەرەوەی عێراق، فوئاد حوسێن راگەیاندووە کە حکوومەتی عێراق گرنگی بەوە دەدات ململانێیەکان لە سووریا کۆتایییان پێ بھێندرێت، ھەروەھا دۆسیەی ئاوارەکان یەکلایی بکرێتەوە و کەشێکی ئارامیش بە ئامانجی گەڕانەوەی ئاوارەکان بۆ زێدی خۆیان برەخسێندرێت و گوتی: "ستایشی سەرجەم ئەو ھەوڵانە ئاشتیخوازانە دەکەین کە بۆ کۆتایی ھێنان بە نەھامەتییەکانی گەلی سووریا خراوەنەتەگەڕ".

باس لەوەشکراوە کە سەبارەت بە رۆڵی وڵاتانی ھەرێمیی و نێودەوڵەتی لە چارەسەرکردنی کێشەی سووریا گفتوگۆکراوە.

لە کۆتایی راگەیەنراوەکەدا ئەوە خراوەتەڕوو کە فوئاد حوسێن رایگەیاندووە "بەردەوامبوونی شەڕ و پێکدادانەکان لە سووریا، کاریگەری خراپی لەسەر رەوشی ئەمنی وڵاتانی دراوسێی سووریا دەبێت، بۆیە لە بەرژەوەندی عێراق و وڵاتانی دیکەی دراوسێی سووریادایە کە کۆتایی بھێندرێت بە کێشەی ئەو وڵاتە".

 

aa





ئەم هەواڵە 322جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad