English | عربی | Kurdî دواهەواڵ
ڕاستەوخۆ  
 
ئەمساڵ كۆڕبەندی ئابووری داڤۆس لەووڵاتێكی بەڕێوەدەچێت
2020-12-08 [08:08 AM]

ZNA – هەولێر


كۆڕبەندى ئابووریى جيهانی، كه‌ به‌ لووتكەى داڤۆس ناسراوه‌  ئاشكرایكرد، ئەمساڵ كۆبوونەوەكە بەهۆی ڤایرۆسی كۆرۆنا لە سویسرا بەڕێوەناچێت، كۆڕبەندەكە لە ووڵاتی سەنگاپورە بەڕێوەدەچێت.

كۆڕبەندەکە، لە راگەیێندراوێکدا ئاشكرايكرد: "كۆبوونەوەى ساڵى 2021ى كۆڕبەندى ئابووریى جيهانی لەنێوان 13 تاوەکو 16ی ئادار لە سەنگاپورە بەڕێوەدەچێت.

ئەوەش ئاشكرا كراوە، كۆبوونەوەكەى سەنگاپورە  يەكەم چالاكیى سەركردە جيهانييەكان دەبێت دەربارەى تێپەڕاندنى پەتاى ڤايرۆسى كۆرۆنا و هەروەها  لەم كۆبوونەوه‌یه‌دا رووبەڕوو سەركردەكان پێكەوە دادەنيشن و كار بۆ دۆزينەوەى چارەسەرى بەپەلەى كێشەكانى جيهان دەكەن.

كلاوس شواب، دامەزرێنەرى كۆڕبەندى ئابووریى جيهانى و سەرۆكى ئەنجوومەنى بەڕێوەبردن، لە بارەى لووتكەكەى سەگاپورە، رایگه‌یاند: "لووتكەى سەركردەكانى جيهان، گرنگييەكى چاره‌نووسسازی هەيە لە بارەى چۆنێتى خۆكۆكردنەوە لە دواى پەتاى كۆرۆنا".

شواب ئاشكراشیكرد، كۆڕبەندى ئابووریى جيهانى لە سەنگاپورە ، لە سەرەتاى دەستپێكردنى پەتا جيهانييەكەوە تائێستا دەرفەتێكە بۆ يەكەمجار كۆبوونەوەى رووبەرووى نێوان جيهانى كار، حكومەت و سەركردەكانى كۆمەڵگەى مەدەنى.

لووتكەى داڤۆس، ساڵانە سێ هەزار پياوى كار و سياسەتمەدار و ئەكاديمیست و نوێنەرانى رێكخراوەکانی كۆمەڵگەى مەدەنى لە نزيكەى 120 وڵات کۆدەکاتەوە.

 





ئەم هەواڵە 184جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad