English | عربی | Kurdî دواهەواڵ
ڕاستەوخۆ  
 
ئەنجومەنی وەزیران دۆخی دارایی هەرێمی کوردستان تاووتوێ دەکات
2020-12-09 [11:31 AM]

ZNA_ هەولێر


 

• داواکارین مووچەخۆرانی بەڕێز ڕێگە نەدەن مافە ڕەواکانیان بەکاربهێنرێت لە لایەن کەسان و لایەنی نابەرپرس بۆ تێکدانی رەوشی ئارامیی هەرێم و دروستکردنی پشێوی و ئاڵۆزی.

• ئەم ئێوارەیە شاندی دانوستانکاری حکومەتی هەرێمی بە سەرپەرشتی جێگری سەرۆک وەزیران قوباد تاڵەبانی بە هەموو دەسەڵاتێکەوە سەردانی بەغدا دەکات.


ئەمڕۆ چوارشەممە 2020/12/9 ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆک وەزیران کۆبوونەوەوە.
لە سەرەتای کۆبوونەوەکەدا ئەنجومەنی وەزیران پرسە و سەرەخۆشی لە کەسوکاری ئەو کەسانە دەکات کە لە ڕۆژانی ڕابردوو گیانیان لە دەستدا و بوونە قوربانی . ئەنجومەنی وەزیران بۆ جارێکی دیکەش ڕایدەگەیەنێت کە هاووڵاتییانی مووچەخۆی بەڕێز مافی خۆیانە بە شێوەیەکی شارستانیانە ناڕەزایەتی خۆیان دەرببڕن بەڵام داواکارین ڕێگە نەدەن مافە ڕەواکانیان بەکاربهێنرێت لە لایەن کەسان و لایەنی نابەرپرس بۆ تێکدانی رەوشی ئارامیی هەرێم و دروستکردنی پشێوی و ئاڵۆزی. حکومەتی هەرێمی کوردستان هەموو هەوڵێک دەگرێتەبەر لە پێناو دابینکردنی مافە ڕەوا و دەستوورییەکانی هەرێمی کوردستان.
هەر بۆ ئەم مەبەستە ئەم ئێوارەیە شاندی دانوستانکاری حکومەتی هەرێمی بە سەرپەرشتی جێگری سەرۆک وەزیران قوباد تاڵەبانی بە هەموو دەسەڵاتێکەوە سەردانی بەغدا دەکات لە پێناو گەیشتن بە ڕێککەوتن لە گەڵ حکومەتی فیدرال بۆ پرسە دارایی و ئابوورییەکان .
ئەنجومەنی وەزیران هاووڵاتییان و بەتایبەت مووچەخۆران دڵنیا دەکاتەوە کە هەوڵەکانمان لە گەڵ بەغدا بۆ گە‌یشتن بە‌ڕێككە‌وتن و هەروەها هەوڵە نێوخۆییەکانی چڕکردووەتەوە هاوکات لە گەڵ هەنگاوەکانی چاکسازی ئیداری و دارایی و پەرەپێدانی شەفافیەت لە پێناو چارەسەرکردنی دۆخی دارایی و پێدانی مووچە‌ و شایستە‌ داراییە‌كانی مووچە‌خۆران.





ئەم هەواڵە 406جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad