English | عربی | Kurdî دواهەواڵ
ڕاستەوخۆ  
 
پەیامی پیرۆزبایی مەكتەبی سیاسی پارتی دیموكراتی كوردستان بەبۆنەی (68)ساڵەی دامەزراندنی یەكێتی ئافرەتانی كوردستان
2020-12-11 [10:09 AM]

ZNA_ هەولێر



 
بەڕێز د.ڤیان سلێمان سكرتێری یەكێتی ئافرەتانی كوردستان..
بەڕێزان هەڤاڵانی مەكتەبی سكرتاریەت و ئەنجوومەنی باڵا..

 ئەمڕۆ (68) ساڵ بەسەر  دامەزراندنی یەكێتی ئافرەتانی كوردستان تێدەپەڕێت، بە شانازیەوە لەو رۆژەدا كاروانی خەبات و گیانفیدایی ئەو رێكخراوە پیشەییە دەخەینەوە بەردیدە و زەین کە سەرتاپای كاروانی چالاكیەكانی پڕ بەخشش و دەسكەوت بووە.

   یەكێتی ئافرەتانی كوردستان پێش (68)ساڵ بەبڕیارو رێنوێنی بارزانی نەمر دامەزرا، وەكو دەستكەوتێكی گرنگی شۆڕش و بزوتنەوەی رزگاریخوازی گەلەكەمان و توێژی ئافرەتان، هەنگاو بەهەنگاو ماف و داخوازیەكانی ئافرەتانی كوردستانی بەرجەستە دەكرد.
 توێژی ئافرەتان پانتاییەكی بەرفراوانیان لە كۆمەڵگەدا گرتووە، بۆیە خاوەن كۆمەڵێک ئەرك و كاری ئەوتۆن سەنگ و كاریگەریان هەیە بەسەر پەروەردە و پێشكەوتن و بونیاتنانی ئایندەی نەوەكانمان، هەروەها بە درێژایی خەباتی نەپساوەیاندا قوربانی زۆریان داوە، بۆیە رۆڵی بەرپرسانەی یەكێتیەكەتان زۆر گرنگ و بایەخدارە، بەتایبەتی لە رووی تێكۆشانی پیشەیی و كۆمەڵایەتیەوە.
 لەو هەلومەرجەی ئەمڕۆشماندا، پێویستە بە هەموو لایەك و چین و توێژەكانی كۆمەڵگەوە بەرپرسانە و دڵسۆزانە ئەرك و كارەكانی سەرشانمان بەجێبگەیەنین بۆ پتەوكردنی پێگەکانی ئەو قەوارەیە و سەقامگیریی و فەراهەمكردن و باشتركردنی ئاستی بژێوی و  خۆشگوزەرانیی خەڵكی كوردستان. 
 بەو بۆنەیەوە گەرمترین پیرۆزبایی لە ئێوە و گشت کادیر و ئەندامانی یەکێتیەکەتان و سەرجەم ئافرەتانی كوردستان دەكەین و، هیوادارین هەمیشە هەر سەركەوتوو بن لە هەوڵ و  كۆشش و كاروچالاكیەكانتان بۆ دابینكردنی ئازادی و یەكسانی و گەیشتن بە گشت مافەكانتان.
  جارێكی دیكەش پاڵپشتی و پشتیوانی خۆمان بۆ ئێوە و یەكێتیەكەتان دووپات دەكەینەوە و ئومێدەوارین دەستكەوتی زیاتر لە كاروباری رێكخراوەییتان بۆ توێژی ئافرەتان بەدەست بێنن و ھەمیشە پێشەنگی  چارەسەركردنی كێشەو گیروگرفتی ئافرەتان و بەدیهێنانی سەرجەم مافە رەواكانیانبن.
هەر سەركەوتوو بن..هەردەم لە پێشكەوتن دابن..

مەكتەبی سیاسی
 پارتی دیموكراتی كوردستان
11/12/2020





ئەم هەواڵە 451جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad