English | عربی | Kurdî دواهەواڵ
ڕاستەوخۆ  
 
خوێندنەوەی شيعرێك له‌لایه‌ن ئەردۆغانه‌وه‌، باڵیۆزی تورکیا بانگهێشتی وەزارەتی دەرەوەی ئێران كرا
2020-12-12 [09:39 AM]

ZNA - هه‌ولێر


 

سەعید خەتیب زادە وتەبێژی وەزارەتی دەروەی ئێران ڕایگەیاند لەسەر ئەو دەستوەردانی کە ئەردۆغان لە شێعر خوێندنەوەیێکدا لە باکۆ ئەنجامیداوە، باڵیۆزی تورکیا بانگهێشتی وەزارەتی دەرەوەی وڵات کراوە.

رۆژی پێنجشەممە 10-12-2020 رەجەب تەیب ئەردۆغان، سەرۆککۆماری تورکیا لە ئاهەنگی "سەرکەوتنی ئازەربایجان" لە شەڕی قەرەباخ گوتارێکی پێشکێش کرد و تێیدا بەشێک لە گۆرانییەکی خەڵکی ئازەربایجانی بەناوی "ئاراس ئاراس" گوتەوە کە باس لە خەمەکانی خەڵک لەگەڵ رووباری ئاراس دەکات.

ئەو بەشەی شیعرەکەی بەو شێوەیە "ئاراسیان دابڕی و بە بەرد و گڵ پڕیانکرد. من لە تۆ جودا نەدەبووم، بەزۆر لەیەکدییان دابڕین".

وتەبێژی وەزارەتی دەروەی ئێران ڕایگەیاند: دوێنێ هەینی باڵیۆزی تورکیا لە تاران لەلایەن بریکاری وەزیر و بەڕێوەبەری گشتیی ئووراسیاوە بانگهێشتی وەزارەتی دەروە کراوە و وێڕای ڕاگەیاندنی ناڕەزایی توند، بۆ باڵیۆزی تورکیا جەخت کراوەتەوە کۆماری ئیسلامیی ئێران خوازیارە بەزووترین کات دەوڵەتی تورکیا ڕوونکردنەوە لەو بارەوە بدات.

خەتیب زادە زیاتر وتی: لەو بانگهێشت کردنەدا بە باڵیۆزی تورکیا ڕاگەیێندراوە کە سەردەمی ئیدیعای خاک و ئیمپراتووریەتە شەڕ هەڵگرسێنەکان ساڵەهایە کۆتایی هاتووە.

وتەبێژی وەزارەتی دەرەوەی ئێران باسی له‌وه‌ش كرد، بۆ باڵیۆزی تورکیا جەخت کراوەتەوە کۆماری ئیسلامیی ئێران مۆڵەت بە هیچ کەس و لایەنێک نادات دەستوەردان لە سەروەریی خاکی وڵاتەکەی بکات بەو شێوەیە مێژوو شایەتی دەدات لەسەر ئاسایشی خۆی چاوپۆشی لەکەس ناکات.

 

کوردپرێس

 





ئەم هەواڵە 262جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad