English | عربی | Kurdî دواهەواڵ
ڕاستەوخۆ  
 
موسڵ... لەئۆپەراسیۆنێكی دوو رۆژەدا دەیان چەكداری داعش كوژران
2020-12-14 [07:20 AM]

ZNA- هەولێر


لە ئۆپەراسیۆنێکی سەربازیی دەزگای دژەتیرۆری عێراق  لە باشووری موسڵ ، 42 چەکداری داعش کوژران، کە ژمارەیەکیان سەرکردەی رێکخراوەکەن.

گوتەبێژی فەرماندەی گشتیی هێزە چەکدارەکانی عێراق" یەحیا رەسول"رایگەیاند: لە پرۆسەیەکی هێزەکانی دژەتیرۆری عێراق لە ناوچەی عەین جەحش لە باشووری موسڵ، 42 چەکداری داعش کوژران، کە ژمارەیەکیان سەرکردەی رێکخراوەکەن.

رەسول گوتیشی "هێزە پاڵەوانەکانی دژەتیرۆر هێرشیان کردە سەر ئەوەی بە کەرتی دیجلە ناسراوە، کە چەکدارانی داعش لێی چالاکن لە ناوچەی جەحشی باشووری شاری موسڵ، ئەمەش لەدوای هەوڵی تەکنیکی و زانیاریی بەڕێوەبەرایەتی هەواڵگریی دەزگای دژەتیرۆر".

ئۆپەراسیۆنەکە ماوەی دوو رۆژی خایاندووە شێوازی ئۆپەراسیۆنەكەش بەم شێوە بووە كە "دژەتیرۆر چەکدارەکانی داعشیان ناچارکرد بگەڕێنەوە نێو نەفەق و ئەشکەوتەکان، بەڵام دواتر هێزەکەمان لەوێش هێرشیان کردە سەریان تاوەکو کار گەیشتە ئەوەی شەڕ بە نارنجۆک لەنێو نەفەقەکان دەستپێبکات".

بەگوتەی یەحیا رەسوول، لەو ئۆپەراسیۆنەدا 42 چەکداری داعش کوژراون، لەناو كوژراوەكانی داعشدا والیی کەرتی دیجلەی داعش هەبووە  لەگەڵ ئەبو محەمەدی جێگری، هەروەها بەرپرسی راگەیاندنی داعش لەو کەرتە کە بە ئەبوو سەیاف ناسراوە لەگەڵ یاریدەدەرەکەی.

 





ئەم هەواڵە 385جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad