English | عربی | Kurdî دواهەواڵ
ڕاستەوخۆ  
 
هێرشەکانی تورکیا و گرووپە چەکدارەکان بۆسەر عەین عیسا به‌رده‌وامه‌
2020-12-14 [12:07 PM]

ZNA - هه‌ولێر


سوپای تورکیا و گرووپە میلیشیاکانی سەر بەو وڵاتە ماوەی چەند رۆژێکە بە چڕی و بە چەکی قورس دەوروبەری عەین عیسا و رێگای نێودەوڵەتی M4 بۆردوومان دەکەن، ناو بەناویش هەوڵی پێشڕەویی دەدەن.

لەمبارەوە ئاژانسی هاوارنیوز بڵاوی کردەوە؛ گوندي مەعلەک و دەورەبەری عەین عیسا بۆردوومانێکی چڕی تورکیای لەسەرە، بەڵام تائێستا پۆلیسی سەربازی رووسیا و هێزەکانی سووریا هیچ وەڵامدانەوە و کاردانەوەیەکیان نەبووە، سەرەڕای ئەوەی لە چەند رۆژی رابردوودا بۆ دانانی خاڵی چاودێریی پۆلیسی سەربازی رووسیا لەناوەندی شارۆچکەی عەین عیسا رێککەوتنی سێقۆڵی هەسەدە و رووسیا و دیمەشق ئەنجام درا.

بەپێی ئاژانسەکە، لەبەرامبەردا شەڕڤانانی هەسەدە هەوڵیان داوە چەند ناوچەیێکی ژێر دەستی گرووپە سورییەکانی سەر بە تورکیا لە گرێ سپی کۆنتڕۆڵ بکەن، پێشتریش بۆردوومانی ناوچەی شەڕکراکییان کردووە.

ماوەی چەند رۆژێکە تورکیا دەستی کردووە بۆ کۆکردنەوەی هێز و بۆردوومان کردنی شارۆچکەی عەین عیسای سەر بە گرێ سپی لە کوردستانی سوووریا، لەبەرامبەریشدا هێزەکانی سووریای دیموکرات دەستیان بە ئامادەکارییەکان کردووە بۆ وەڵامدانەوەی هەر هێرشێک، سەرەڕای ئەوەی ئەو ناوچەیە دەچێتە چوارچێوەی رێککەوتنی رووسیا و تورکیا بۆ کەم کردنەوەی ئاڵۆزیی و رێگری لە هێرشی تورکیا.

 

کوردپرێس





ئەم هەواڵە 208جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad