English | عربی | Kurdî دواهەواڵ
ڕاستەوخۆ  
 
وه‌زیری پێشمه‌رگه‌: هاوكارییه‌كانی ئه‌مریكا هێزی پێشمه‌رگه‌ی كوردستان به‌ره‌و قۆناغێكی گه‌شه‌سەندووتر ده‌بات
2020-12-15 [07:04 AM]

ZNA-هەولێر


وه‌زیری پێشمه‌رگه‌ی حكومه‌تی هه‌رێمی كوردستان رایده‌گه‌ینێت: دۆخی ئێستای ناوچه‌كه‌و مه‌ترسییه‌ به‌رده‌وامه‌كانی تیرۆر و تیرۆریستان، ده‌خوازێت هاوكاری و هه‌مه‌ئاهه‌نگییه‌كانی وڵاتانی هاوپه‌یمانان بۆ پێشمه‌رگه‌ زیاتر وفراوانتر بكرێت ، له‌مڕۆشه‌وه‌ هاوكارییه‌ لۆجیستیی و سه‌ربازییه‌كانی سوپای ئه‌مریكای بۆ وه‌زاره‌تی پێشمه‌رگه‌ی به‌رزنرخاند.

  له‌راگه‌یاندراوێكدا وه‌زاره‌تى پێشمه‌رگه‌ی هه‌رێمی كوردستان بڵاوی كرده‌وه‌ ، كه‌شۆڕش ئیسماعیل، وه‌زیری پێشمه‌رگه‌ی حكومه‌تی هه‌رێمی كوردستان، له‌گه‌ڵ كۆلۆنێل جولیات فه‌رمانده‌ی باڵای سه‌ربازی له‌تیمی هه‌مه‌ئاهه‌نگی ئه‌منی هاوبه‌ش له‌هه‌ولێرو تیمێكی هاوڕێی، كۆبۆوه‌.

 ڕاشیده‌گه‌یه‌نن كه‌له‌و كۆبونه‌وه‌یه‌دا، كه‌ سه‌ربه‌ست له‌زگین بریكاری وه‌زاره‌ت و فه‌ریق جه‌مال محمد، سه‌رۆكی ده‌سته‌ی ئه‌ركان و به‌رپرسانی باڵای وه‌زاره‌ت ئاماده‌یبوون، پرسی هاوكارییه‌ سه‌ربازی و لۆجیستیه‌كانی سوپای ئه‌مریكا بۆ پێشمه‌رگه‌و پڕۆسه‌ی رێكخستنه‌وه‌ی لیواكانی سه‌ر به‌وه‌زاره‌ت تاوتوێكرا.

وه‌زاره‌تى پێشمه‌رگه‌ ئاماژه‌ بۆ ئه‌وه‌ش ده‌كات كه‌ له‌كۆبوونه‌وه‌كه‌دا وه‌زیری پێشمه‌رگه‌، رایگه‌یاندووه‌: هاوكارییه‌ سه‌ربازییه‌كانی ئه‌مریكا، هێزی پێشمه‌رگه‌ به‌ره‌و قۆناغێكی گه‌شه‌سه‌ندووتر ده‌بات و ئاراسته‌ی پرۆسه‌ی چاكسازی و رێكخستنه‌وه‌ی هێزه‌كان ئاسانتر و خێراتتر ده‌كات، وتیشی: پێشمه‌رگه‌ رۆڵی سه‌ره‌كی هه‌یه‌ له‌ سه‌قامگیری و ئاسایشی ناوچه‌كه‌، بۆیه‌ به‌رده‌وامی هه‌مه‌ئاهه‌نگی و هاوكارییه‌كانی بۆ پێشمه‌رگه‌ له‌ئێستادا پێویستیه‌كی بنه‌ڕه‌تیه‌ بۆ بنبڕكردنی ته‌واوه‌تی تیرۆریستان.

هه‌ر له‌كۆبوونه‌وه‌كه‌دا ،فه‌رمانده‌ی باڵای سه‌ربازی ئه‌مریكا له‌تیمی هه‌مه‌ئاهه‌نگی ئه‌منی هاوبه‌ش له‌هه‌ولێر ئاماژه‌ی به‌وه‌كرد: ووڵاته‌كه‌ی له‌هاوكاری و یارمه‌تیدانی سوپای عێراق و هێزی پێشمه‌رگه‌ له‌هه‌ر سێ بواری راوێژكاری، كه‌لوپه‌لی سه‌ربازی و مه‌شق و راهێنانه‌كان به‌رده‌وام ده‌بێت.

كۆبوونه‌وه‌ به‌ گفتوگۆكردن له‌سه‌ر جۆر و میكانیزمی هاوكارییه‌ سه‌ربازییه‌كانی ئه‌مریكا بۆ لیواكانی پێشمه‌رگه‌، لایه‌نه‌ ته‌كنیكی و عه‌مه‌له‌یه‌كانی پڕۆسه‌ی دابه‌شكاری و راده‌ستكردنی هاوكارییه‌كان، نه‌خشه‌ی مه‌شق و راهێنانه‌كان له‌نێوان وه‌زاره‌تی پێشمه‌رگه‌و راوێژكارانی سوپای ئه‌مریكا به‌كۆتا هات.





ئەم هەواڵە 466جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad