English | عربی | Kurdî دواهەواڵ
ڕاستەوخۆ  
 
ئەگەر دڵە كوتەمان هەبوو، دەبێ چی بكەین
2020-12-16 [04:35 AM]

ZNA ــ هەولێر


 

دڵە كوتە، یەكێكە لە نیشانە هەرە باوەكان كەوا دەكات سەردانی پزیشك بكرێت، لە كاتی ئاساییدا لێدانی دڵ هەستی پێ ناكرێت لە نێوان (60 – 90) لێدان ئاساییە لە چركەیەكدا.

كەی دەبێت سەردانی پزیشك بكرێت ؟؟

ئەگەر هات هەستت بەم نیشانانەی خوارەوە كرد بۆ ماوەیەكی درێژ، دەبێ بە زووترین كات سەردانی پزیشكی پسپۆڕ بكەین:

1. هەستكردن بە لێدانی دڵ. 

2. هەستكردن بە خێرایی یان خاو لێدان. 

3. هەستكردن بە توندی و ناڕێكی دڵ لێدان. 

4. هەستكردن بە لەرزێك لە ناو سینگ. 

لە هەندێك كاتدا، نیشانەی تر بە دیار دەكەوێت، وەكو:

1. سینگ ئێشە 

2. تەنگە نەفەسی

3. گێژبوون یان سەرسووران

4. لە هەمووی گرنگتر لە هۆشچوون (بێ هۆشبوون)

بۆچی توشی دڵە كوتە دەبین ؟؟

هۆیەكانی دڵە كوتە زۆرن، لەوانەیە شتێكی سادە، یان سوك بێت، تا دەگاتە هۆیەكی ترسناك، بۆ نموونە:

1. دڵە راوكێ

2. جگەرە كێشان

3. خواردنی خواردنەوە كحولیەكان

4. هەندێك نەخۆشی خوێن، وەكو كەم خوێنی.

5. نەخۆشی ڕژێنی دەرەقی

6. بەكارهێنانی هەندێك جۆری دەرمان

7. دووگیانی

8. نەخۆشییەكانی دڵ وەك نەخۆشی كارەباییەكانی دڵ، نەخۆشی زمانەكانی دڵ، یان نەخۆشی خوێنبەرەكانی دڵ.

ئەگەر دڵە كوتەمان هەبوو، دەبێ چی بكەین ؟؟

هەر كەسێك دڵە كوتەی هەبێت دەبێت سەردانی پزیشكی پسپۆڕ بكات، بۆ ئەوەی پشكنینی پێویست بۆی بكرێت بۆ دڵنیا بوون لە هۆیەكان.

چ پشكنینێك دەبێت بكرێت لە كاتی دەرچوونی نیشانەكانی دڵە كوتە ؟؟

1. ECG: هێلكاری دڵ

2. ECHO: ئیكۆی دڵ

3. هێلكاری دڵ بو ماوەی (24) كاتژمێر

4. پشكنینی خوێن بە گوێرەی بڕیاری پزیشك

چارەسەر چیە ئەگەر دڵە كوتەمان هەبێت ؟؟

زۆربەی كاتەكان پێویست بە چارەسەر نیە، تەنها دڵنەوایی پزیشكی پێویستە. 

لە هەندێك كاتدا پێویستی بە هەندێك دەرمان هەیە بۆ رێكخستنەوەی دڵەكوتە یان چارەسەری هۆكارەكانی.

(د. دڵشاد عەبدولقادر رەسول – پسپۆڕی دڵ و هەناوو ئیكۆی دڵ)





ئەم هەواڵە 244جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad