English | عربی | Kurdî دواهەواڵ
ڕاستەوخۆ  
 
داوا لە تورکیا دەکرێت چەک بۆ یەکەیەکی تایبەتی پۆلیسی سۆمال نەنێرێت
2020-12-17 [11:48 AM]

ZNA - هه‌ولێر


 

ئۆپۆزسیۆنی سۆماڵ ڕایگەیاند پەیامێکیان بۆ تورکیا ناردووە و تیایدا داوایان لێکردووە چەک بۆ یەکەیەکی تایبەتی پۆلیس نەنێرێت، ئەمەش لە ترسی ئەوەی سەرۆکی سۆماڵ محەمەد عەبدوڵا محەمەد بۆ " قۆرخکردنی " هەڵبژاردنەکانی داهاتوو بەکاری بهێنێت.

لە ئێستادا سۆماڵ ڕووبەڕووی گرژییەکی سیاسیی گەورە بووه‌تەوە و ئۆپۆزسیۆنی وڵاتەکە لەسەر دواخستنی هەڵبژاردنەکانی ئەنجومەنی پەرلەمانی وڵاتەکە توڕەن.

کاندیدەکانی ئۆپۆزسیۆن پەیامێکیان ئاڕاستەی نوێنەری تورکیا لە سۆماڵ کرد و تیایدا وتوویانە ئاگاداری ئەوەن تورکیا بەنیازە لە 16 و 18 ی مانگی دوانزەدا هەزار چەکی جی 3 و 150 هەزار فیشەک بداتە یەکەی هەرمعدی تایبەتی پۆلیسی سۆماڵ.

لە پەیامەکەیاندا هاتووە دەڵێت " کاندیدەکان نیگەرانن سەبارەت بە پێدانی ئەو چەکە زۆرە لەکاتێکدا وڵاتەکە لەبەردەم هەڵبژاردنێکی هەستیاردایە."

دەشڵێت سەرۆکی سۆماڵ " هێزی تایبەتی هەرمعدی بەکارهێناوە بۆ قۆرخکردن و ئەنجامدانی ساختەکاری لە هەڵبژاردنەکانی هەرێمەکاندا، بۆیە هیچ گومانێک نیە لەوەدا کە هێزی هەرمعد دووبارە ئەو چەکانەی تورکیا بۆ هەمان مەبەست لە هەڵبژاردنەکانی داهاتوودا بەکاردەهێنێت."

تورکیا مەشق بەم هێزە تایبەتیەی پۆلیسی سۆماڵ دەکات، لە پەیامەکەدا داوا لە تورکیا کراوە ڕادەستکردنی ئەو چەکانە دوابخات تاوەکو هەڵبژاردنەکان تەواو دەبن.

 

 





ئەم هەواڵە 211جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad