 |
|
|||
ZNA - هه‌ولێر وەزیری دەرەوەی سووریا رەخنەی توندی لە ئەمریکا گرت و رایگه‌یاند ئەمه‌ریکا خاکی سووریای داگیر کردووە و نەوتەکەمان دەدزێت و ھاوکاری چەند ھێزێکی نایاسایی دەکات. فه‌یسه‌ڵ میقداد وەزیری دەرەوەی سووریا ئه‌وه‌شی گوت: ئه‌مه‌ریكاییه‌كان بە نایاسایی ھاتوونەتە ناو خاکەکەمانەوە و رێز لە سەروەریمان ناگرن، خاکی سووریای داگیر کردووە، ھەموو ئەمانەش پێچەوانەی بڕیارەکانی نەتەوەیەکگرتوەکانە. ئامانجی ئەم کارانەش گەڕاندنەوە و بنیادنانەوەی سووریا نیە بەڵکوو بەپێچەوانەوە لەناوبردن و وێران کردنی سووریایە. وەزیری دەرەوەی سووریا گوتیشی: ئامانجی ئەمه‌ریکا تێکدانی زیاتری سووریایە، نەوتەکەمان دەدزێت و ھاوکاری چەند ھێزێکی نایاسایی دەکات. دیمه‌شق، ئه‌مه‌ریكا به هاوكاری كردنی هێزه‌كانی سووریای دیموكرات( هه‌سه‌ده) وه‌سف ده‌كات و ئه‌و هێزانه‌ی هه‌سه‌ده‌ش به "نانیشتمانی" له‌قه‌ڵه‌م ده‌دات. ئەم هەواڵە 190جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad