English | عربی | Kurdî دواهەواڵ
ڕاستەوخۆ  
 
بەهۆی بڵاوبوونەوەی جۆرێكی نوێی کۆرۆنا، وڵاتان گەشتەکانیان لە بەریتانیاوە قەدەخەدەکەن
2020-12-21 [06:27 AM]

ZNA ــ هەولێر


لەدوای بڵاوبوونەوەی جۆرێكی نوێی کۆرۆنا لە بەریتانیا، ژمارەیەکی زۆرتری وڵاتانی یەکێتی ئەوروپا و کەنەدا رێگە لە هاتنەناوەوەی خەڵک لەو وڵاتەوە دەگرن، کۆمەڵێكی دیکەش هەمان پلانیان هەیە.

فەرەنسا، ئیتاڵیا، ئەڵمانیا، بەلجیکا، ئوستریا، ئێرلەندا و نەیجیریا و چەندین وڵاتی دیکە رێکاری تووندیان راگەیاندووە بۆ گەشتکردن لە بەریتانیاوە، ئەمەش دوای ئەوە هات کە سەرۆکوەزیرانی بەریتانیا رایگەیاند هەموو ئاهەنگەکانی ماوەی کریسمس و کۆتایی ساڵ قەدەخەدەکرێن. 

رێكخراوی تەندروستی جیهانی لەبارەی ڤایرۆسە نوێیەکەوە رایدەگەیێنێت لەگەڵ بەریتانیا لەسەر هێڵن لەبارەی ڤایرۆسە نوێیەکە و بەڵێندەدات کە هەر شتێکی زیاتریان لەبارەی جۆرە نوێیەکەی ڤایرۆسەکە دەستکەوت، هەموو زانیارییەکان بۆ خەڵک ئاشکرا بکەن. 

ماریا ڤانکەرخۆف، بەڕێوەبەری تەکنیکی لە رێكخراوی تەندروستی جیهانی دەڵێت ئەوەی ئەوان لێی تێگەیشتوون توانای جۆرە نوێیەکەی کۆرۆنا بۆ گواستنەوە لە کەسێكەوە بۆ کەسێكی دیکە لەجۆرە کۆنەکەی کۆرۆنا زۆر زیاترە. 

بۆریس جۆنسن، سەرۆکوەزیرانی بەریتانیا لەدوای بڵاوبوونەوەی جۆرە نوێیەکەی کۆرۆنا بەزوویی چەند رێکارێكی تووندی راگەیاندن، فەرەنساش هەموو هاتووچۆیەکی لە وڵاتەکەوە قەدەخەکرد، ئەڵمانیا رایگەیاند هەموو گەشتێكی ئاسمانی قەدەخەدەکات و سەرۆکوەزیرانی بەلجیکاش گووتی قەدەخەی گەشتە ئاسمانییەکان دەکەن. 

مات هانکۆک، وەزیری تەندروستی بەریتانیا هۆشداریدەدات کە جۆرە نوێیەکە لە کۆنتڕۆڵ دەرچووە و تاوەکو ئێستا زیاتر لە 35 هەزار حاڵەتی تووشبوون تۆمارکراون. 

جەستن ترێدۆ، سەرۆکوەزیرانی کەنەدا هەموو گەشتە ئاسمانییەکان لە بەریتانیاوە قەدەخەدەکرێن، دەشڵێت ئەو گەشتیارانەی رۆژی یەکشەممە گەیشتوونە و لە بەریتانیاوە هاتوون دووبارە پشكنینیان بۆ دەکرێتەوە. 
 





ئەم هەواڵە 166جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad