English | عربی | Kurdî دواهەواڵ
ڕاستەوخۆ  
 
ئەمەریكا سزای نوێی بەسەر سوریادا سەپاند كە خانمی یەكەمی ئەو ووڵاتەشی تێدایە
2020-12-23 [07:44 AM]

ZNA- هەولێر


وەزیری دەرەوەی ئەمەریكا ئاشكرایدەكات، ئەمریکا سزای نوێی بەسەر ژمارەیەک بەرپرس و کەسایەتی سووریا و بانکی ناوەندی ئەو وڵاتە سەپاند و خانمی یەکەمی ئەووڵاتەشی تێدایە.

مایک پۆمپیۆ، وەزیری دەرەوەی ئەمریکا رایگەیاند، سزا سەپێنراوە نوێیەکان ئەسما ئەسەد، هاوژینی بەشار ئەسەدی سەرۆکی سووریاش دەگرێتەوە، کە لەدایکبووی بەریتانیایە.

پۆمپەیۆ گوتیشی:  ئەمریکا کەسایەتی و دامەزراوە سوورییەکانی خستە نێو لیستی رەشی خۆیەوە و وڵاتەکەی لە سزادانی ئەوانە بەردەوامدەبێت، کە کاردەکەن بۆ درێژەکێشانی جەنگی ناوخۆیی سووریا.

وەزیری دەرەوەی ئەمەریكا دەشڵێت: ئەسما ئەسەد، بەرپرسە لە هەوڵەکانی رێگرتن لە گەیشتنە چارەسەری سیاسی بۆ کێشەی ناوخۆیی سووریا، سزاکان ژمارەیەکی دیکەی ئەندامانی ماڵباتی ئەسمای گرتووەتەوە.

وەزارەتی گەنجینەی ئەمریکا لە بڵاوکراوەیەکی جیادا ئاشکرایکرد، سزا نوێیەکان دوو ئەندام و 9 دامەزراوەی بازرگانی و بانکی ناوەندیی سووریا دەخاتە ناو لیستی سزاکانەوە.

ویلایەتە یەکگرتووەکانی ئەمریکا لە پشتگیری خەڵکی سووریا بەردەوامە، لەسەرەتای ململانێی ئەو وڵاتەوە تائێستا، ئەمریکا 12 ملیار دۆلار هاوکاریی بەخشیووەتە ئەو سوورییانەی پێویستیان بەهاوکارییە.

سووریا سزای لەلایەن نەتەوە یەکگرتووەکان و یەکێتی ئەوروپاوە بەسەردا سەپێنراوە، کارەکە بووەتە هۆکاری بلۆککردنی دراوە بیانییەکانی ئەو وڵاتە و سەدان کۆمپانیا و کەسایەتی سووریا لە بانکەکاندا.

 





ئەم هەواڵە 130جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad