English | عربی | Kurdî دواهەواڵ
ڕاستەوخۆ  
 
ترەمپ داوای 2 هەزار دۆلاری مانگانە بۆ هەر ئەمەریكیەك دەكات
2020-12-23 [08:02 AM]

​ZNA- هەولێر


سەرۆکی ئەمریکا پاکێجە داراییەکەی کۆنگرێسی تایبەت بە بووژاندنەوەی ئابووریی ئەمریکا لە رووبەڕووبوونەوەی کۆرۆنای رەتکردەوە و داوای كرد هەر ئەمەریكیەك 2 هەزار دۆلاری بۆ خەرج بكرێت.

ترەمپ لە گرتەیەکی ڤیدیۆیی کە لە توویتەردا بڵاویکردەوە داوای لە کۆنگرێس کرد پاکێجەکە هەموار بکەنەوە بە جۆرێك کە هەموو ئەمریکییەک مانگانە 2 هەزار دۆلار وەربگرێت لەبری ئەو 600 دۆلارەی کە لە پاکێجەکەدا دیاریکراوە.

ترەمپ داواشیکرد، چەندین بڕگەی نێو پاکێجەکە لابەرن کە بە "فێڕۆدان و  ناپێویست" ناویبردوون، دەشڵێت، پاکێجەکە لەسەر بنەمای رووبەڕووبوونەوەی بڵاوبوونەوەی پەتای کۆڤید-19 دانراوە بەڵام لەڕاستیدا هیچ پەیوەندییەکی بە پەتاکەوە نییە.

ترەمپ لە تۆمارە ڤیدیۆییەکەدا دەڵێت: "من داوا لە کۆنگرێس دەکەم پاکێجەکە هەموار بکەنەوە و ئەو 600 دۆلارە بێواتا و پڕوپووچە بۆ 2 هەزار دۆلار بۆ هەر کەسێك یان 4 هەزار دۆلار بۆ دوو هاوژین بەرزبکەنەوە".

ترەمپ روونیشیكردەوە: "من داوا لە کۆنگرێس دەکەم دەستبەجێ دەست لەو بڕگە شەرمەزاریی  و ناپێویستانەی نێو پاکێجەکە هەڵگرن و پاکجێکی دیکەی گونجاوم بۆ رەوانە بکەن، یان ئەوەتا ئیدارەی داهاتووی ئەمریکا پاکێجێكی نوێ دیکە ئامادە و پێشکەش دەکات".

پێشتریش، جۆ بایدن، سەرۆکی هەڵبژێردراوی ئەمریکا ئاماژەی بەوەدا کە پاکێجەکە بڕی یەکەمی هاوکارییە داراییەکانە  و رایگەیاند کە چوومە نێو کۆشکی سپی گوشار دەخەمە سەر کۆنگرێس تاوەکو پاکێجێکی دیکەی هاوکارییە داراییەکان ئامادە بکەن.

هەردوو ئەنجوومەنی نوێنەران و پیران بە زۆرینەی دەنگ پاکێجی بووژاندنەوەی ئابووری پەسەندکرد و تەنیا بە واژۆی سەرۆکی ئەمریکا دەبێتە یاسا و دەچێتە بواری جێبەجێکردنەوە.

 





ئەم هەواڵە 142جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad