English | عربی | Kurdî دواهەواڵ
ڕاستەوخۆ  
 
مەیادە نەجاڕ: بارودۆخی ئابووری و ژێرخانی ئابووریی عێراق رووخاوە 17 ساڵە سەركردەكانی عێراق نەوتیان فرۆشتووە هیچ پێشكەوتنێك ڕووی نەداوە
2020-12-24 [10:28 AM]

zna:هەولێر


ئەندامێکی پەرلەمانی عـێـراق ڕایگەیاند: دەروازە سنوورییەکان دوای كاتژمێر 4ی ئێوارە لە دەستی حكوومەتی عێراق نامینێن و دەكەونە ژێر دەستی چەكداران و میلیشیاكان.

مـەیادە نـەجـاڕ ئەندامی لیژنەی دارایی و وەبەرهێنان لە ئەنجوومەنی نوێنەرانی عـێـراق بە ئاژانسی هەواڵی زاگرۆسی ڕاگەیاند: بارودۆخی ئابووری و ژێرخانی ئابووریی عێراق رووخاوە 17 ساڵە سەركردەكانی عێراق نەوتیان فرۆشتووە، هیچ پێشكەوتنێك ڕووی نەداوە، عێراق لە هەموو سێكتەرەكانی ژیان دواکەوتووە.

ڕوونیشی کردەوە: عێراق نغرۆی گەندەڵی بووە و ئەو گەندەلییەی كە لە عێراق هەیە، بووەتە كولتوور و نەتوانراوە كۆنترۆڵ بكرێت، دەروازە سنوورییەکانی عێراق دوای كاتژمێر 4ی ئێوارەوە لەژێر دەستی حكوومەتی عێراق نامینێن، بەڵكوو دەكەونە ژێر دەستی چەكداران و میلیشیاكان.

مـەیادە نـەجـاڕ دیاریکرد: ئاماری فەرمانبەران جیاوازیی هەیە و هەندێک ئامار دەڵێن 6 ملیۆن كارمەندی حكوومی لە عێراق هەیە و هەندێكیش دەڵێن 4 ملیۆن كارمەند هەیە، ئەوە مانای ئەوە دەدات كە تا ئێستا نازانن چەند كارمەند لەو وڵاتە هەیە كە بەشێك لەو كارمەندانە لە نێوان 3 تاکوو 6 مووچە وەردەگرن، هەروەها زانیاریی ئەوەش هەیە سەدان هەزار ئێرانی مووچەی خانەنشینیان لە عێراقدا هەیه.

ئەو ئەندامەی لیژنەی باسی لەوەش کرد: وەزارەتی پلاندانان نازانێت له عێراق چەند فەرمانبەری ڕاستەقینە و چەند بندیوار هەیە، ئەوەش وای کردووە دارایی عێراق بەو ڕۆژە بگات و قەرزەکانی کەڵەکە بێت.





ئەم هەواڵە 298جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad