 |
|
|||
zna:هەولێر مامۆستایه‌كی زانکۆ رایگه‌یاند: كورد بڕوای بە دانوستان هەیە و هه‌موو كات هه‌وڵی داوه كێشه‌كانی له‌سه‌ر مێزی گفتوگۆ چاره‌سه‌ر بكات. محەمەد عامر دێرشەوی مامۆستای زانکۆ بە ئاژانسی هەواڵی زاگرۆسی راگەیاند: كێشەكانی دارایی عێراق، بۆ هەژاری خاك و ژێر خاكی عێراق و سەروەت و سامان ناگەڕێتەوە، بەڵكو بۆ سیاسەتە چەوتەكانی پارتەكانی عێراقی دەگەرێتەوە كە تووشی گەندەڵیەكی زۆر گەورە هاتوون . روونیشیكردەوە: واقعیك هەیە دەبێت كورد بیزانێت لە گەڵ ئەو كەموكوڕییەش پێویستە هەوڵ بدرێت بۆ بەرژەوەندی هاووڵاتیانی هەرێمی كوردستان لە رێگەی دانوستان كیشەكان یەكلایی بكاتەوە و مافەكانی هاووڵاتیانی هەرێمی كوردستان بە دەست بێنێت . ئەو ماموستایە دیاریکرد: كە عەقلیەتی ئەوانەی حوكمرانی دەكەن لە بەغدا، كە بڕوایان بە مافە دەستووریەكانی كورد نییە، بڕوایان بە فیدرالیەت نییە، ئامانجیان تێكدانی سەروەریەكانی هەرێمی كوردستانە . لە کوتاییدا ئەوەشی خستەروو: كە كورد بڕوای بە دانوستان هەیە، وەك هەرێمی كوردستان هەمیشە داوای مافی ڕەوای خۆی كردووە ئەو گرفتانەی هەن بریتین لەو عەقلیەتەی كە بوونی هەیە ، عەقلیەتێكی شۆڤێنییە، عێراق بەرەو هەڵبژاردن دەچێت ، هەمیشە هەوڵ دەدەن لە سەر حسابی هەرێمی كوردستان دەنگ بە دەست بێنن ، وا هەست دەكەن دژایەتی كردنی كورد و هەرێمی كوردستان هۆكارێكە بۆ بەدەستهێنانی دەنگی شەقام. ئەم هەواڵە 457جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad