English | عربی | Kurdî دواهەواڵ
ڕاستەوخۆ  
 
جەیمس جێفری: داهاتی نەوتی ڕۆژئاوای كوردستان سەدان ملیۆن دۆلارە
2020-12-27 [09:21 AM]

ZNA – هەولێر


نوێنەری پێشووی سەرۆکی ئەمریکا لە هاوپەیمانی نێودەوڵەتیی دژی داعش دەلێت، رۆژئاوای کوردستان رۆژانە 100 هەزار بەرمیل نەوت بەرهەمدەهێنێت و داهاتەکەشی چەند سەد ملیۆن دۆلارێک دەبێت

جەیمس جێفری، نوێنەری پێشووی سەرۆکی ئەمریکا لە هاوپەیمانی نێودەوڵەتیی دژی داعش، لە بابەتێکیدا نووسیوویەتی: ''هێزەکانی سووریای دیموکرات ئەو کێڵگە نەوتیانەی كە لە باکووری رۆژهەڵاتی سووریادان کۆنترۆڵیکردوون" کە لە دەستی داعشبوون، هەروەها ئاستی بەرهەمهێنان لەو کێڵگانە ''نزیکەی 100 هەزار بەرمیلە لە رۆژێکدا."

بەگوتەی جەیمس جێفری، بەشێک لەو نەوتەی لە رۆژئاوای کوردستان لە نێوخۆ بەکاردەهێندرێت و بەشەکەی دیکەش دەفرۆشرێتە چەند ئەکتەرێکی لۆکاڵی بە نرخێکی کەمتر لە نرخی خۆی و هەروەها بەشێکیش لەو نەوتە لە رێگەی نێوەندکارەکانەوە دەفرۆشرێتە حکومەتی سووریا کە پێشتر داعشیش بەهەمانشێوە بەشێک لە نەوتەکەی بە حکومەتی سووریا دەفرۆشت

نوێنەری پێشووی سەرۆکی ئەمریکا لە هاوپەیمانی نێودەوڵەتی دژی داعش دەشڵێت: داهاتی فرۆشتنی نەوت ساڵانە چەند سەد ملیۆن دۆلارێکە، کە زۆربەی ئەو داهاتە دەگەڕێتەوە بۆ هێزەکانی سووریای دیموکرات و هەروەها ئۆرگانەکانی سەر بە بەڕێوەبەری خۆسەر

ناوچەكانی ژێر دەسەڵاتی هەسەدە ژمارەیەك كێڵگەی غاز و كێڵگەی نەوتیی گەورەیان لێیە كە شەڕی دژی داعش بەشێكی زۆر لە ژێرخانەكەی تێكداون.

 

 





ئەم هەواڵە 403جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad