English | عربی | Kurdî دواهەواڵ
ڕاستەوخۆ  
 
دکتۆر ناسر هەرکی: بەڵگەمان لایە كە عەرەبە هاوردەكان گرێبەستی كشتوكاڵییان ساختە کردووە
2020-12-28 [09:08 AM]

ZNA-هەولێر


ئەندامێكی کوردی ئەنجومەنی نوێنەرانی عێراق زانیاری سەبارەت بە پێكهێنانی ئەو لیژنەیە دەخاتە روو كە پێكهێندراوە بۆ چارەسەركردنی كێشەی زەوی و زار لە سنووری پارێزگای كەركووك و دەوروبەری، دەشڵێ بەڵگەمان لەبەردەستە كە عەرەبە هاوردەكان گرێبەستی زەوی كشتوكاڵییان ساختە كردووە و دەیگەنینە جێگەی مەبەست.

دکتۆر ناسر هەركی، ئەندامی ئەنجومەنی عێراق لە فراکسیۆنی پارتی دیموکراتی کوردستان بە ئاژانسی هەواڵی زاگرۆسی ڕاگەیاند: "ئاشکرایە کە هەوڵێکی نوێی تەعریب لە ناوچە کوردستانییەکانی دەرەوەی ئیدارەی هەرێم هەیە، ئێمەش رێگریمان لێی كردووە تا گەیشتە ئەوەی كە لیژنەیەكی لەئەنجومەنی نوێنەرانی عێراق دروست بكرێت بە سەرۆكایەتیی سەرۆكی لیژنەی ئاسایش و بەرگری لەئەنجومەنی نوێنەرانی عێراق و بە ئەندامێتی چەند پەرلەمانتارێك كە منیش ئەندامی ئەو لیژنەیەم ئەمڕۆ دووشەممە ۲٨ـی۱۲ـی ۲۰۲۰ یەكەمجار سەردانی شاری كەركووك دەكەین، كۆبوونەوە لەگەڵ بەرپرسانی دەزگا ئەمنییەكان دەکەین و دواتر سەردانی گوندی پەلكانەش دەكەین كە كێشەی گەورە لەوێ هەیە.

دکتۆر ناسر هەرکی گوتی: "وابڕیارە ئەمڕۆ چاومان بە نوێنەرانی جووتیارانی داقووقیش بکەوێت بۆ ئەوەی لەنزیكەوە بزانین كێشەكان كە لەسەر زەوی جووتیاران دروست بووە چین، كێ خاوەن زەوییە و ئەوانە كێن كە بە زۆرداری دەیانەوێ زەوییەكان داگیر بكەن و پاشان لەسەر ئەنجامی سەردانەكەمان راپۆرتێك بەرز دەكەینەوە بۆ سەرۆكایەتی پەرلەمان و پەرلەمانیش راپۆرتەكە بەرز دەكاتەوە بۆ سەرۆكایەتی حكوومەت تاكو لەوێوە چارەسەرێك بۆ ئەو كێشەیە بدۆزرێتەو".

هەروەها دکتۆر ناسر هەرکی ئەندامی ئەنجومەنی نوێنەرانی عێراق ئەوەشی بۆ ئاژانسی هەواڵی زاگرۆسی خستەروو گووتی: ئێمە بەڵگەی زۆرمان دەستکەوتووە كە خزمەتی زۆر بە جووتیارانی كوردی ناوچەكە دەكات و هەروەها لێكۆڵینەوەمان كردووە كە عەرەبە هاوردەكان ساختەكارییان لە ناسنامەی باری شارستانی كردووە و هەروەها گرێبەستە كشتوكاڵییەكانیان ساختە كردووە و ئەوانەمان پێیە و سبەی لەبەردەم لیژنەكە هەمووی دەخەینە ڕوو بۆ ئەوەی بتوانین راپۆرتێكی تەواو ئامادە بكەین و ئێمە لایەنی جێبەجێكردن نیین، بەڵام هەوڵی خۆمان دەدەین كە كێشەكە چارەسەر بكەین و بەدواداچونی بەردەوام دەكەین و هەوڵ دەدەین ماڵ بۆ خاوەن ماڵ بگەڕێتەوە.


دڵشاد یونس هەرکی





ئەم هەواڵە 337جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad