English | عربی | Kurdî دواهەواڵ
ڕاستەوخۆ  
 
وەزیری پەروەردە: لە كۆبوونەوەی داھاتوودا بڕیار لەسەر دەستپێكردنەوەی دەوامی قوتابخانەكان دەدرێت
2020-12-29 [01:28 AM]

ZNA - هه‌ولێر


 

ئالان حەمەسەعید، وەزیری پەروەردەی حكومەتی ھەرێمی كوردستان لە كۆنفرانسێكی رۆژنامەوانیدا لە ھەڵەبجە رایگەیاند، لە كۆبوونەوەی داھاتووی لیژنەی باڵای رووبەڕووبوونەوەی كۆرۆنا، بڕیار لەسەر دەستپێكردنەوەی دەوامی قوتابخانەكان دەدرێت، ھەڵسەنگاندنی وەزارەتی تەندروستی بۆ دەستپێكردنەوەی دەوام دەبێتە بنەمای بڕیاری كۆبوونەوەكە، ئەگەر دۆخەكە لەبار نەبێت ئەوا دەرگای قوتابخانەكان بە داخراوی دەمێننەوە.

گوتیشی، ئێستا وەزارەتی تەندروستی سەرقاڵی ئامادەكردنی راپۆرت و ھەڵسەنگاندن دۆخەكەن، ھەركاتێك راپۆرتی وەزارەتی تەندروستی ئامادەبوو كۆبوونەوەی لیژنەی باڵای رووبەڕووبوونەوەی كۆرۆنا دەكرێت، ئەگەر پێویست بكات بڕیار لەسەر درێژكردنەوەی داخستنی دەرگای قوتابخانەكان دەدەین.

وەزیری پەروەردە باسی له‌وه‌ش كرد، كاتێك لە 1/11/2020 بڕیارماندا دەرگای قوتابخانەكان بە داخراوی بمێنێتەوە، بڕیارەكە كاریگەری ئەرێنی ھەبوو، راستە ئێستا ڤاكسینی دژی كۆرۆنا دۆزراوەتەوە، بەڵام ناكرێت ریسك بە ژیانی مامۆستایان و قوتابیان بكەین و بەبێ ھەڵسەنگاندنی وردی تەندروستی بڕیاری كردنەوەی قوتابخانەكان بدەین.

ئه‌وه‌ی خسته‌روو، لە دوای كۆبوونەوەی لیژنەی باڵای رووبەڕووبوونەوەی كۆرۆنا ئامادەسازی بۆ پلان و بەرنامەی خۆمان دەكەین، ئەگەر بڕیاردرا دەرگای قوتابخانەكان بۆ ھەموو پۆلەكان یان چەند قۆناغێك بكرێتەوە لە وادەی دیاریكراو دەوام دەست پێدەكاتەوە، ئەگەر بڕیاردرا دەرگای قوتابخانەكان بە داخراوی بمێنێتەوە، ئەوكاتە ساڵنامەی خوێندن لەسەر ئەو بنەمایە بۆ چەند مانگێكی دیكە دادەڕێژینەوە، بەجۆرێك كە بتوانین پرۆسەی خوێندن تەواو بكەین.

 





ئەم هەواڵە 424جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad