English | عربی | Kurdî دواهەواڵ
ڕاستەوخۆ  
 
گرنگترین سوده‌ ته‌ندروستیه‌کانی جاترە
2020-12-29 [11:23 AM]

ZNA ــ هەولێر


جاترە یه‌کێکه‌ له‌ ناسراوترین گژوگیاکان لە جیهان، تام و چێژێکی تایبه‌تی خۆی هه‌یه‌، له‌ هه‌مان کات کۆمەڵێک سودی هەی بۆ ته‌ندروستی مرۆڤ چی بەسەوزی یان بە وشکراوی.

بڕێکی زۆر که‌م وزه‌ی تێدایه‌ ده‌وڵه‌مه‌نده‌ به‌ ماده‌ی دژه‌ئۆکسانه‌کان و ڤیتامینه‌کان  C , A  E ، B، له‌گه‌ڵ کانزه‌کانی وه‌ک ئاسن، مه‌گنسیۆم، مه‌نگه‌نیز، کالسیۆم، له‌گه‌ڵ بڕێکی زۆرله‌ ڕیشاڵ، ئاو، رێژه‌یه‌کی که‌م کاربۆهیدرات، پڕۆتین و ئاسن، دكتۆر کامه‌ران رسوڵ ژاژڵه‌یی، پسپۆڕی زانستی خۆراک گرنگترین سودەكانی بڵاوكردوەتەوە.

1. دابه‌زاندنی فشاری خوێن لەڕێگای فراوان کردنی بۆریەکانی خوێن.

2. بەهێزکردنی تەندروستی دڵ، بە هۆی کەمکردنەوەی لێدانی دڵ و دابەزاندی فشاری خوێن، بۆیە یارمەتی خۆپاراستن ئەدات له‌ جه‌ڵته‌ی دڵ و مێشک و نه‌خۆشی ته‌سک بونه‌وه‌ی خوێنبه‌ره‌کان.

3. یارمەتی دابەزاندنی ئاستی کولیستڕۆڵی خراپ دەدات.

4. سودی هەیه له چارەسەری کۆکە و پشمین و کەمکردنەوەی بەڵغەم و پاکردنەوەی کۆئەندامی هەناسە لە کاتی پەتا و هەوکردن.

5. بەهێزکردن و چالاک کردنی بەرگری جەستە، چونکە دەوڵەمەندە بە ڤیتامین و کانزا و ماددە دژە ئۆکسانەکان و ماددە ڕیشاڵیەکان بێجگە لە ئاو.

6. خۆپاراستن له‌ چه‌ندین جۆری شێرپه‌نجه‌ بە تایبەت شێرپەنجەی کۆڵۆن.

7. نه‌هێشتنی دڵەکزێ، ئاوسانی سک، کەمکردنەوەی غازات و چالاک کردنی کۆئەندامی هەرس.

8. به‌هێزکردنی یاده‌وه‌ری، زیاد کردنی ئاستی هۆرمۆنی دڵخۆشی و چاککردنی مەزاج.

9. بەسودە بۆ پاراستنی ته‌ندروستی پێست، گه‌ش بونه‌وه‌ی، نه‌هێشتنی چرچولۆچی، زیپکه‌، سیسی ده‌م و چاو.

10. یارمەتی دابەزاندنی ئاستی شەکرەی خوێن.

11. پاراستنی تەندروستی ددان و ناودەم.

12. کەمکردنەوەی ئازاری جومگە و ئێسک و هەندێک جۆری سەرئێشە.

شێوازی ئامادە کردنی:
یەک کەوچکی چێشت لە جاترەی کوتراو بخەرە ناو کوپێك ئاوی گەرم و بۆ ماوەی 10-15 خولەک جێیبهێڵە و دوایی بیخۆرەوە، نابێت جاترە بکوڵێنرێت بۆ ماوەیەکی زۆر تا زەیتەکانی ناوی نەفەوتێت.
بۆ چارەسەری کۆکە و پەتا کەوچێک هەنگوین یان دو لەت لێمۆ بخەرە ناو کوپەکە و ڕۆژی سێ جار بیخۆرەوە.





ئەم هەواڵە 181جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad