2020-12-30 [04:14 AM]

لە هێرشی داعش بۆ سەر هەردوو گوندی ئیسلاح و ئوم حنتە، لە پارێزگای دیالە، کەسێکی سڤیل و چەکدارێکی داعش کوژران و ٣ ئەندامی هێزە ئەمنییەکانیش برینداربوون.

بەگوێرەی دوایین ئاماری هێرشەکەی داعش، بۆ سەر گوندەکانی ئیسلاح و ئوم حنتە، لە نێوان گوڵاڵە و خانەقین، لە سنووری پارێزگای دیالە، کەسێکی سڤیل و چەکدارێکی داعش کوژران و ٣ ئەندامی هێزە ئەمنییەکانیش برینداربوون.

 دوای ئەم هێرشەی داعش، هێزی ئاسمانی‌ی عێراق، ناوچەکەی بۆمباباران کردووە.

لە ناوچەی تارمییەی باکووری بەغداش، ژمارەیەک چەکداری داعش تەقەیان لە دوو چەکداری حەشدی شەعبی کرد و یەکێکیان کوژرا و ئەوی دیکەش برینداربوو.