English | عربی | Kurdî دواهەواڵ
ڕاستەوخۆ  
 
ئێران : ئیسرائیل دەیەوێت هێرش بكاتە سەر ئەمەریكییەكان
2021-01-03 [07:44 AM]

ZNA – هەولێر


ئەمڕۆ ساڵێك بەسەر کوژرانی قاسم سولەیمانیی و مەهدی موهەندیس دا تێدەپەڕێت، لەوكاتەوە گرژی و هەڕەشەکانی نێوان ئەمریکا و ئێران بەردەوام لە بەرزبوونەوەدایە، وەزیری دەرەوەی ئێرانیش دەڵێت، زانیاریی هەواڵگریی نوێیان پێگەیشتووە کە "کارمەندی دەزگا هەواڵگرییە شەڕانگێزەکانی ئیسرائیل پیلانیان داڕشتووە هێرشبکەنە سەر ئەمریکییەکان" .

محەممەد جەواد زەریف، وەزیری دەرەوەی ئێران لە هەژماری خۆی لەتۆڕی كۆمەڵایەتی توویتەر داوا لە دۆناڵد ترەمپ دەکات نەکەوێتە "تەڵەی دەزگا هەواڵگرییەکانی ئیسرائیل"، هۆشداریشدەدات کە هەر هێرشێکیان بکرێتە سەر" بەخراپی وەڵام دەدەنەوە" دەڵێت هێرشیش دەکەینە سەر نزیکترین دۆست و هاوڕێکانت.

وەزیری دەرەوەی ئێران لە کۆتایی مانگی رابردووش هۆشدارییەکی هاوشێوەیدا، گوتی هەر لە عێراقەوە زانیاریی هەواڵگرییان وەرگرتووە کە "پیلانی دروستکردنی پاساو بۆ شەڕێکی سەپێنراو لە ئارادایە".

هەروەها زەریف رەخنە لە سەرۆکی ئەمریکا دەگرێت و دەڵێت، "لەبری ئەوەی شەڕی کۆرۆنا بکات، ترەمپ بە ملیاران دۆلاری لە فڕاندنی فڕۆکە بی 52 و جێگیرکردنی هێزی سەربازی لە ناوچەکەمان خەرجکردووە".

زەریف ئەوەشی گوتووە کە ئەوان بەدوای شەڕەوە نین، بەڵام راستەوخۆ بەرگری لە خەڵکەکەیان و ئاسایشی نیشتمانی و بەرژەوەندییەکانی دیکەیان دەکەن.

ئەم هەواڵە لەکاتێکدایە، ئەمڕۆ ساڵێك بەسەر كوژرانی فەرماندەی پێشووی فەیلەقی قودسی سوپای پاسداران قاسم سلێمانی  و ئەبو مەهدی موهەندیس، جێگری پێشووی سەرۆکی دەستەی حەشدی شەعبی دا تێدەپەڕێت، کە لە 3ی کانوونی دووەمی 2020 لە نزیک فرۆکەخانەی نێودەوڵەتیی بەغدا بە درۆنێکی ئەمریکی کوژران.

 





ئەم هەواڵە 109جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad