English | عربی | Kurdî دواهەواڵ
ڕاستەوخۆ  
 
گوتەبێژی وەزارەتی بازرگانی: ھەر هاووڵاتییەک گلەیی لە بەرزیی نرخ ھەبێت بەدواداچوونی بۆ دەکەین
2021-01-04 [07:22 AM]

ZNA-هەولێر


بەھۆی گۆڕانکاریی نرخی دراوی عێراقی بەرانبەر بە دۆلاری ئەمەریکی، گۆڕانکاری بەسەر نرخی کەلوپەلدا ھاتووە و گوتەبێژی وەزارەتی بازرگانییش  ڕایده‌گه‌ێنێت ، لیژنەکانی بازرگانی و وەزارەتی ناوخۆ بەردەوام چاودێریی بازاڕ دەکەن و ھەر هاووڵاتییەکیش بەرزیی نرخی بینێ با پەیوەندییان پێوە بکات.

فەتحی محەمەد، گوتەبێژی وەزارەتی بازرگانی، ڕاگەیاند: ماوەی دوو حەفتەیە بەھۆی دابەزینی دیناری عێراقییەوە بازاڕەکانی عێراق و ھەرێمی کوردستان ناسەقامیگرییان بەخۆوە بینیوە و نرخی کەلوپەل و کالاکان گۆڕانکارییان بەسەردا ھاتووە، لەبەر ئەوەش وەزارەتی بازرگانی لە ڕێگەی لیژنەکانییەوە بەردەوام بەدواداچوون بۆ نرخی بازاڕ دەکات".

 ئاماژەی بەوەش کردووە: لە ھەموو شار و شارۆچکەکان لیژنەکانی چاودێری بە ھەماھەنگیی وەزارەتی ناوخۆ لە بازاڕ و شوێنە بازرگانییەکان بەدواداچوون بۆ نرخ دەکەن و تا ماوەی دوو حەفتەی ڕابردوو چەندین شوێن سزادراون، سەرەڕای ئەوەی حەفتەیەک پشوو بوو، لیژنەکانمان بەردەوام بوونە لە چاودێری و سزادانی سەرپێچیکاران.

فەتحی محەمەد گوته‌بێژی وه‌زاره‌تى بازرگانی گوتیشی،ھەر هاووڵاتییەک لە ھەر شوێنێک بینی نرخ زیاد کراوە و ناگونجێ لەگەڵ بازاڕی ئەمڕۆ دەتوانێت پەیوەندی بە لیژنەکانی چاودێریی بازرگانییەوە بکات، یان سکاڵای خۆی بگەیەنێتە لایەنی پەیوەندیدار و ناوی شوێن و نرخی کەلوپەلەک بە لیژنەکان بگەیەنێت، سزای یاسایی دەدرێت.





ئەم هەواڵە 508جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad