English | عربی | Kurdî دواهەواڵ
ڕاستەوخۆ  
 
داعش ژمارەیەك سەربازی سوپای سوریای كوشت
2021-01-04 [08:40 AM]

ZNA – هەولێر


روانگەی سووری بۆ مافەکانی مرۆڤ ئاشكرایدەكات، رۆژی یەكشەممە داعش هێرشی كردە سەر پاسێك 9 كەسیان كوشت لەناو كوژراوەكان سەربازی سوپای سوریا هەیە.

رامی عەبدولرەحمان، بەڕێوەبەری روانگەی سووری بۆ مافەکانی مرۆڤ بە ئاژانسی فرانس پرێسی راگەیاندووە: لە ماوەی کەمتر لە یەک هەفتەدا، ئەمە دووەم جارە هێرش دەکرێتە سەر ئەوپاسانەی کە سەربازانی سووریا دەگوازێتەوە، رەنگە سەرنشینەکانی دیکەی نێو پاسەکە، کەسوکاری سەربازەکان بووبن.

ئەو گوتیشی: هێرشەکەی چەکدارانی داعش لەوکاتەدا ئەنجامدراوە، کە ئەو پاسە لە رێگا بووە لە رەققەوە بۆ دیمەشقی پایتەخت، جگە لە کوژرانی نۆ کەسەکە، 16ـی دیکەش بریندار بوون.

ئاژانسی فەرمی حکومەتی سووریا (سانا) لەبارەی کوژراوەکان، بەپێچەوانەی روانگەی سووری، دەڵێ "هەموو کوژراوەکان خەڵکی مەدەنین"، هەتاوەکو ئێستاش، هیچ لایەنێک بەرپرسیارییەتی خۆی لە ئەنجامدانی هێرشەکە رانەگەیاندووە.

ئەو هێرشە لەکاتێکدایە مانگی رابردوو 40 سەرباز، لەنێویاندا هەشت ئەفسەری سوپای سووریا هەبوون، لە هێرشێکی چەکداریی چەکدارانی داعش لە دێرەزوور کوژران.

داعش لە مانگی ئازاری 2020ـەوە خاکی سووریای بەدەستەوە نەماوە و شکستیان پێهێنراوە، بەڵام شانەکانی بەردەوامن لە هێرشکردن.

 





ئەم هەواڵە 166جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad