 |
|
|||
ZNA - هه‌ولێر
وه‌زاره‌تی ته‌ندروستی و ژینگه‌ی عێراق رایگه‌یاند، ڤاكسینی كۆرۆنا وه‌ك چاره‌سه‌ر بۆ توشبووانی كۆرۆنا به‌كار ناهێندرێت، به‌ڵكو ئه‌و ڤاكسینه ده‌بێته هۆكار بۆ دروستكردنی سیستمی به‌رگری له جه‌سته و سه‌ره‌تاش ده‌درێته گروپه مه‌ترسیداره‌كان، وتشی، سه‌ره‌تاش ده‌درێته گروپه مه‌ترسیداره‌كان. سه‌یف به‌در وته‌بێژی وه‌زاره‌تی ته‌ندروستی رایگه‌یاند، له‌سه‌ره‌تای بڵاوبونه‌وه‌ی په‌تای كۆرۆناوه، عێراق ده‌ستبه‌جێ رێوشوێنی پێویستی گرتوه‌ته‌به‌ر و چه‌ندین هه‌نگاویشی بۆ دۆزینه‌وه‌ی چاره‌سه‌ری ئه‌و نه‌خۆشیه ناوه. وتیشی، "له‌ئێستادا عێراق پێویستی به ڕێوشوێنه‌كانی ته‌ندروستی فریاكه‌وتن هه‌یه و یه‌كێك له‌و رێوشوێنانه‌ش خۆی له‌دابینكردنی ڤاكسین ده‌بینێته‌وه كه له‌لایه‌ن خزمه‌تگوزاری نیشتیمانی ده‌رمانه‌وه ده‌ستنیشانكراوه". سه‌یف به‌در ئاماژه‌ی به‌وه‌كرد، ڤاكسینی كۆرۆنا په‌یوه‌ست نییه به زیادبونی رێژه‌ی چاكبوونه‌وه، به‌ڵكو ئه‌و ڤاكسینه ده‌بێته هۆكار و پاڵنه‌ر بۆ دروستبوون و به‌هێزبوونی سیستمی به‌رگری جه‌سته به‌رامبه‌ر به ڤایرۆسه‌كه، سه‌ره‌تاش ده‌درێته گروپه مه‌ترسیداره‌كان كه خۆیان له هه‌ریه‌ك له (كارمه‌ندانی ته‌ندروستی، هێزه ئه‌منییه‌كان، كه‌سانی به‌ساڵاچو، ئه‌وانه‌ی نه‌خۆشی درێژخایه‌نیان هه‌یه) ده‌بینێته‌وه. وته‌بێژی وه‌زاره‌تی ته‌ندروستی و ژینگه‌ی عێراق ئاماژه‌ی به‌وه‌شكرد، له‌ئێستادا گرێبه‌ست له‌گه‌ڵ كۆمپانیای ڤاكسینی فایزه‌ر كردوه به‌مه‌به‌ستی وه‌رگرتنی یه‌ك ملیۆن و 500 هه‌زار ڤاكسین، جگه له‌وه‌ش به‌ره‌چاوكردنی ستاندارده نێوده‌وڵه‌تیه‌كان له‌هه‌وڵی هاورده‌كردنی هه‌مو ڤاكسینێكی دیكه‌دا ده‌بن.
ئاژانسه‌كان ئەم هەواڵە 253جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad