English | عربی | Kurdî دواهەواڵ
ڕاستەوخۆ  
 
ئەمرۆش وڵاتانی ئەندام لە ئۆپێك كۆدەبنەوە بۆ رێككەوتن لەسەر زیادكردنی بەرهەمی نەوت
2021-01-05 [08:36 AM]

ZNA- هەولێر


بۆ ڕۆژی دووەم لەسەر یەك هەر 23 وڵاتانی بەرهەمهێنەری نەوتی ئەندام لە هاوپەیمانی ئۆپێک پڵەس كۆدەبنەوە، کە ئایا پێویستە خستنەڕووی نەوت لە مانگی داهاتوودا زیادبکەن، یان قەبارەی خستنەڕووی نەوت وەک خۆی بهێڵنەوە.

لە کۆبوونەوەی دوێنێدا وڵاتانی بەرهەمهێنەری نەوت نەیانتوانی بگەینە رێککەوتن لەسەر هێشتنەوەی قەبارەی خستنەڕووی نەوت، بەو هۆیەوە نرخی نەوت دابەزی، ئەندامانی ئۆپێک پڵەس بڕیاریاندا  درێژە بە کۆبوونەوەکانیان بدەن.

لە چوارچێوەی رێککەوتنێکی نێوان ئەندامانی ئۆپێک و بەرهەمهێنەرانی نەوتی دەرەوەی رێکخراوی ئۆپێک، کە لە مانگی 11ی ساڵی رابردوو کرا، ئەو وڵاتانە رێککەوتن لە مانگی یەکی ئەمساڵدا خستنەڕووی نەوت رۆژانە 500 هەزار بەرمیل زیاد بکەن.

بەڵام بۆ مانگی داهاتوو، هەندێ لە بەرهەمهێنەرانی نەوت پێیانوایە بازاڕی نەوت بەرەو ئاساییبوونەوە دەڕوات و پێویستە لە مانگی داهاتوودا رۆژانە 500 هەزار بەرمیل نەوتی دیکە زیاتر بخرێتەڕوو.

لە کۆبوونەوەی دوێنێی ئەندامانی ئۆپێک پلەس پێشنیازی رووسیا بۆ زیادکردنی بەرهەمهێنانی نەوت لە مانگی داهاتوودا رەتکراوەتەوە.

هەرچەندە دوێنێ بەهۆی کۆبوونەوەکەی ئۆپێک پڵەس، نرخی بەرمیلێک نەوتی برێنت بۆ 53 دۆلار بەرزبووەوە، بەڵام بەهۆی رێکنەکەوتنی ئەندامانی هاوپەیمانییەکە ئەمڕۆ نرخی نەوت بۆ 51 دۆلار دابەزی.

 





ئەم هەواڵە 133جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad