English | عربی | Kurdî دواهەواڵ
ڕاستەوخۆ  
 
ئه‌نجوومه‌نی وه‌زیران بڕیاری دا پاره‌ی شه‌ش مانگی خۆبه‌خشانی هیوا و تاقیگه‌ی شۆڕش له‌ سلێمانی خه‌رج بكات
2021-01-06 [07:16 AM]

ZNA-هەولێر


سه‌رۆكایه‌تی دیوانی ئه‌نجوومه‌نی وه‌زیران بڕیاری دا بڕی (55) ملیۆن و (25) هه‌زار دینار مانگانه‌ وه‌ك "به‌ده‌ل عیادات" بۆ ئه‌و كارمه‌نده‌ "ته‌نسیب و خۆبه‌خشانه‌" خه‌رج بكات، كه‌ له‌ نه‌خۆشخانه‌ی هیوا و تاقیگه‌كانی نه‌خۆشخانه‌ی "شۆڕش" له‌ شاری سلێمانی كار ده‌كه‌ن و به‌ڕێوبه‌ری نه‌خۆشخانه‌ی "هیوا"ش له‌ شاری سلێمانی سووپاسی ئه‌نجوومه‌نی وه‌زیران و وه‌زیری ته‌ندرووستی حكومه‌تی هه‌رێمی كوردستانی كرد.

له‌ نووسراوێكدا، كه‌ سه‌رۆكایه‌تی دیوان به‌ ژماره‌ (8967) ئاراسته‌ی وه‌زاره‌تی دارایی و ئابووری حكومه‌تی هه‌رێمی كوردستانی كردووه‌، ئه‌و بڕه‌ پاره‌یه‌ له‌ كۆی بڕی (657) ملیۆن و (93) هه‌زار و (750) دیناری گوژمه‌ی ته‌رخانكراو بۆ بوودجه‌ی "به‌ده‌ل عیادات" ته‌نیا بۆ ماوه‌ی شه‌ش مانگی تر له‌ رێككه‌وتی (1/7/2020) تا (31/12/2020) بۆ دواجار له‌سه‌ر بودجه‌ی به‌ڕێوبه‌رایه‌تی گشتیی ته‌ندرووستی سلێمانی خه‌رج ده‌كرێت.

له‌و باره‌یه‌وه‌، یاد نەقشبەندی، به‌ڕێوبه‌ری نه‌خۆشخانه‌ی هیوا، كه‌ تایبه‌ته‌ به‌ تووشبووانی شێرپه‌نجه‌ له‌ شاری سلێمانی، رایگه‌یاند، دوای هەوڵ و پشتیوانیەکی زۆر رەزامەندی درا بە خه‌رجكردنی پاره‌ی شه‌ش مانگی (2020)ی خۆبه‌خشانی نه‌خۆشخانه‌ی هیوا.

یاد نه‌قشبه‌ندی روونیكردووه‌ته‌وه‌، له‌دوای دەست بەکاربوونی وەک بەڕێوبەری نەخۆشخانەی هیوا، هەموو هەوڵێکی داوه‌ بۆ چارەسەری "کێشە کەڵەکەبووەکان"ی نه‌خۆشخانه‌كه‌ و به‌ "پشتیوانی بەڕێوبەری گشتی تەندروستی سلێمانی و هەمائاهەنگی وەزیری تەندروستی" كێشه‌كه‌ چاره‌سه‌ر كرا.

هه‌روه‌ها ئاماژه‌ی به‌وه‌داوه‌، ئه‌و نه‌خۆشخانه‌یه‌ كێشه‌ی خۆبه‌خشانی هه‌بووه‌ و ئه‌وانه‌ی وه‌ك خۆبه‌خش كاریان تێدا كردووه‌، فه‌رمانی كارگێڕییان نه‌بووه‌ و شایسته‌ی داراییان بۆ ماوه‌ی شه‌ش مانگی (2020) پێ نه‌دراوه‌.

ئاشكرایكردووه‌، "دوای هەوڵ و پشتیوانیەکی زۆر رەزامەندی درا بەخه‌رجکردنی ئەوبڕەپارەیە بۆ ماوەی شەش مانگ".

یاد نه‌قشبه‌ندی، سوپاسی هه‌ریه‌ك له‌ ئه‌نجوومه‌نی وه‌زیران، وه‌زیری ته‌ندرووستی و وه‌زاره‌تی دارایی  و به‌ڕێوبه‌ری گشتیی ته‌ندرووستی سلێمانی كردووه‌، بۆ خه‌رجكردنی هاوكاری خۆبه‌خشانی نه‌خۆشخانه‌ی هیوا.





ئەم هەواڵە 232جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad