English | عربی | Kurdî دواهەواڵ
ڕاستەوخۆ  
 
وەزیری کارەبا: پرۆژەی کارەبای دێرالۆک لە هەرێمی کوردستان و عێراق یەکەمینە
2021-01-06 [07:20 AM]

ZNA-هەولێر


ئەندازیار کەمال محەمەدساڵح وەزیری کارەبای حکوومەتی هەرێمی کوردستان پرۆژەی هایدرۆپاوەری کارەبا لە ناحیەی دێرالۆک لە قەزای ئامیدی بەسەر کردەوە و ڕای گەیاند ئەو پرۆژەیە لە هەرێمی کوردستان و عێراق یەکەمە.


وەزیری کارەبا لە پرێس کۆنفرانسێکدا لە ناحیەی دێرالۆک ڕای گەیاند: ئەم پرۆژەیە لەسەر قەرازی وڵاتی ژاپۆن و بە گوژمەی ١٢٩ ملیۆن دۆلار کەوتووەتە گەڕ و هێشتا کاری لەسەر دەکرێت و ٣٧ مێگات کارەبای سنوورەکە دابین دەکات و لەلایەن دوو کۆمپانیای ئێرانییەوە دروست دەکرێت و هەتا ئێستا ٧٥٪ی کارەکانی جێبەجێ کراون.


ئەندازیار كەمال محمد ساڵح گوتیشی: دەبیت هەتا مانگی ١٢ی ئەمساڵ ئەو پرۆژەیە کۆتایی پێ بێت و هەردوو کۆمپانیاکەش بەلێنییان داوە کە لە کاتی دیاریکراودا تەواوی دەکەن.


وەزیری کارەبای حکوومەتی هەرێمی کوردستان ڕاشی گەیاند: گرنگیی ئەو پرۆژەیە کە یەکەمینە لەسەر ئاستی عێراق و هەرێمی کوردستان، ئەوەیە کە بە ئاو کار دەکات و لە پلانی داهاتووماندایە بەنداوێک لە نزیک پرۆژەی هایدرۆپاوەری کارەبای دێرالۆک و لەسەر ڕووباری زێی گەورە دروست بکەین کە لەو ڕێگایەوە ٣٠٠ مێگاوات کارەبا بۆ هەرێمی کوردستان دابین دەکرێت.

 





ئەم هەواڵە 313جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad