English | عربی | Kurdî دواهەواڵ
ڕاستەوخۆ  
 
ئەمڕۆ په‌رله‌مان بۆ متمانه‌دان به‌ كاندیدی وه‌زاره‌تی سامانه‌ سرووشتییه‌كان كۆده‌بێته‌وه‌
2021-01-06 [07:31 AM]

ZNA-هەولێر


كاتژمێر 11 ى پێش نیوه‌ڕۆی ئه‌مڕۆ چوارشه‌ممه‌ 6 ى 1 ى 2021 ، په‌رله‌مانی كوردستان كۆده‌بێته‌وه‌ بۆ ده‌نگ دان به‌كه‌مال عه‌بدولحه‌مید عه‌بدولره‌حمان  وه‌زیری سامان سروشتیه‌كان .

هه‌ر له‌كۆبوونه‌وه‌ی ئه‌مرۆی په‌رله‌مانی كوردستان خوێندنه‌وه‌ بۆ پرۆژه‌ یاسای فرۆشتن و به‌كرێدانی مایه‌كانی ده‌وڵه‌ت ده‌كات.

ده‌سته‌ی سه‌رۆكایه‌تى په‌رله‌مانی كوردستان له‌باره‌ی كۆبوونه‌وه‌ی ئه‌مرۆ ڕاگه‌یاندراوێكی بڵاو كرده‌وه‌.

ده‌قی ڕاگه‌یاندراو له‌سه‌ر كارنامه‌ی ئه‌مڕۆی دانیشتنی په‌ڕله‌مانی كوردستان:
به‌پێی حوكمی مادده‌ی (5)و بڕگه‌كانی (یه‌كه‌م و دووه‌م و سێیه‌م) له‌مادده‌ی (16)و بڕگه‌ی (سێیه‌م) له‌مادده‌ی (18)و بڕگه‌كانی (یه‌كه‌م و دووه‌م و سێیه‌م و چواره‌م و پێنجه‌م) له‌مادده‌ی (20)و مادده‌كانی (47، 48)و بڕگەی (یەكەم) لەماددەی (52)و ماددەكانی (54، 55، 56، 57) له‌په‌یڕه‌وی ناوخۆی په‌رله‌مانی كوردستان-عێراق، ده‌سته‌ی سه‌رۆكایه‌تیی په‌رله‌مان بڕیاریدا به‌رنامه‌ی كاری دانیشتنی ژماره‌ (1)ی نائاساییی ساڵی سێیەم له خولی پێنجه‌می هه‌ڵبژاردنی په‌رله‌مان له‌كاتژمێر (11)ی پێشنیوه‌ڕۆى رۆژی چوارشه‌ممه‌ رێكه‌وتی 2021/1/6 به‌م شێوه‌یه‌ بێت:
یه‌كه‌م: دەنگدان لەسەر متمانەدان بە بەڕێز (كمال عبدالحمید عبدالرحمن) بۆ پۆستی وەزیری سامانە سروشتییەكان لەكابینەی نۆیەمی حكومەتی هەرێمی كوردستان-عێراق، بەپێی بڕگەی (4)ی ماددەی (پەنجا و شەش) لەیاسای هەڵبژاردنی پەرلەمانی كوردستان ژمارە (1)ی ساڵی 1992ی هەمواركراو.
دووه‌م: ده‌نگدان له‌سه‌ر پرۆژەیاسای (فرۆشتن و بەكرێدانی مایەكانی دەوڵەت لەهەرێمی كوردستان-عێراق) به‌پێی حوكمی مادده‌كانی (90، 91، 93، 96، 97) له‌په‌یڕه‌وی ناوخۆی په‌رله‌مانی كوردستان.





ئەم هەواڵە 238جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad