 |
|
|||
ZNA-هەولێر لە درێژی ئەنجام دانی چاکسازی لە ھەموو سێکتەرەکان بەتایبەتیش لە دەروازەوخالە سنورییەکان لەسەر بریاری خودی سەرۆکی حکومەتی ھەرێمی کوردستان، ھێزێکی تایبەت بۆ کۆنترۆلکردنی دەروازە سنوورییەکان پێکدەھێندرێت.لەم بارەیەوە وەیسی سەعید وەیسی، ئەندامی لیژنەی دەسپاکی لە پەرلەمانی کوردستان، بە ئاژانسی ھەواڵی زاگرۆسی رایگەیاند: ئەنجام دانی پرۆسەی چاکسازی بەردەوامی ھەیە دەمێکە باس لە ھندێ کەم و کورتی و سەرپێچی لە خالە سنورییەکان دەکرێت لەم چوارچێوەیەدا سەرۆکی حکومەتی ھەرێمی کوردستان ھەریەک لە وەزارەتەکانی ناوخو و پێشمەرگەی راسپاردوون بۆ پێک ھێنانی لیژنەێکی ھاوبەش بە ھەموو دەسەلاتێکی یاسایی بۆ کۆنتڕۆڵکردن و سەرپەرشتیکردنی دەروازە سنوورییەکانی ھەرێمی کوردستان.ھەروەھا وەیسی سەعید وەیسی، ئەندامی لیژنەی دەسپاکی لە پەرلەمانی کوردستان ئەوەشی بۆ ئاژانسی ھەواڵی زاگرۆس خستەروو، کە پێک ھێنانی لیژنەێکی ھاوبەش ھەنگاوێکی گرنگ و ئەرێنی بوو، چونکە دەبێتە ھۆکارێکی سەرەکی بۆ زیاتر رێکخستنەوەی دەروازە سنوورییەکان و رێگری گرتن لە قاچاغچیەتی و کاری نایاسایی بە جۆرێک کە کاریگەری لە سەر زیادکردنی داھاتی ھەرێم دەبێت .
ئەم هەواڵە 271جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad