 |
|
|||
ZNA- هەولیر محه‌مه‌د باقر قالیباف، رۆژی یه‌كشه‌ممه١٠ی کانوونی دووهەم رایگه‌یاند، بۆ ئێران گرنگ نییه واشنتن ده‌گه‌ڕێته‌وه بۆ رێككه‌وتنی ئه‌تۆمی یان نا، به‌ڵكو ئه‌وه‌ی گرنگه ته‌نیا هه‌ڵوه‌شاندنه‌وه و هه‌ڵگرتنی سزاكانی سەر ئێرانە.قالیباف گوتی: پێویسته رۆژئاواییه‌كان دان به مافه‌كانی ئێران دا بنێن، ئه‌گه‌ر بیانه‌وێت فشاری زیاتر بخه‌نه سه‌رمان، ده‌بێت باجه‌كه‌شی بده‌ن. سه‌رۆكی په‌رله‌مانی ئێران هەروەها گوتی: له‌ده‌ره‌وه‌ی هه‌ڵوه‌شاندنه‌وه‌ی رێككه‌وتنی ئه‌تۆمی، به‌هۆكاری پابه‌ند نه‌بوونی لایه‌نی به‌رامبه‌ر، تاران به‌گوێره‌ی هه‌ردوو ماده‌ی 336 و 37ی رێككه‌وتنه‌كه، مافی هه‌یه پابه‌ندی ناوه‌ڕۆكی رێككه‌وتنه‌كه نه‌بێت. بە گوتەی قالیباف ئه‌گه‌ر لایه‌نی به‌رانبه‌ر پابه‌ندبن و ته‌واوی سزا سه‌پێنراوه‌كانی دۆنالد تره‌مپی سه‌رۆكی ئه‌مریكا هه‌ڵبوه‌شێننه‌وه، ئێران ده‌گه‌ڕێته‌وه بۆ پابه‌ندبوون به رێككه‌وتنی ئه‌تۆمی. ئەم هەواڵە 121جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad