English | عربی | Kurdî دواهەواڵ
ڕاستەوخۆ  
 
زاوایەک خەزووری خۆی دەکوژێت 
2021-01-10 [01:39 AM]

ZNA- ھەولێر 


دوای چوار رۆژ، پۆلیسی دھۆک رایگەیاند، "بکوژی" نزار سلێمانی تەمەن ٦٧ ساڵانیان دەستگیرکردووە کە لە گوندی دەرگەلا موسابەگێ لە ماڵەکەی خۆیدا لەلایەن زاواکەیەوە لەسەر بڕەپارەیەکی کەم کوژرابوو.
 
موقەدەم ھێمن سلێمان، گوتەبێژی پۆلیسی پارێزگای دھۆک رایگەیاند، "ئەو پیاوە بەتەمەن لەسەر پارە و سامانێکی زۆر کەم کوژراوە، ئەو کەسەشی کە کوشتویەتی، خزمی نزیکی بووە".
 
پۆلیس ئاماژە بەوە کرد، نزار سلێمان "بەشێوەیەکی دڕندانە" و بە چەکی کڵاشنیکۆڤ کوژرابوو. دوای ئەوەی پۆلیسی قەزای ئامێدی لێکۆڵینەوەیان کردووە، "تۆمەتبارێکیان بەناوی (س. ع) دەستگیرکرد کە تەمەنی ٣٤ ساڵانە و زاوای ئەو پیاوە بەتەمەنە بووە". 
 
بە گوتەی پۆلیس، زاوای ئەو پیاوە بەھاوکاریی خەسووی پیاوەکەی کوشتووە. "پیاوەکە خۆی دەوڵەمەند نەبووە و لەسەر بڕە پارەیەکی کەم کوژراوە". 
 
شەوی ٤ـی ئەم مانگە لە گوندی دەرگەلا موسابەگێ لە ناوچەی بەرواری باڵا، پیاوێکی بەتەمەن کە بەتەنیا دەژیا، لەنێو ماڵەکەی خۆیدا کوژرا.
 
ئەوکات بورھان جەلال یەکێک لە کەسوکاری ئەو پیاوەی کە کوژراوە بە رووداوی گوت، نزار بە تەنیا لە گوند دەژیا و دەنگی تەقە لە ماڵەکەیدا بیستراوە، خەڵکی گوند چوونەتە خانووەکەی دەبینن کوژراوە و شوێنی گولـلەش لە جەستەی دیارە. 

ی.ا 
سەرچاوە | رووداو 

 





ئەم هەواڵە 685جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad