English | عربی | Kurdî دواهەواڵ
ڕاستەوخۆ  
 
باشترین ڕێگاكان بۆ وازهێنان لە جگەرەكێشان لە 2021دا
2021-01-10 [05:13 AM]

ZNA ــ هەولێر


زۆرن ئەو جگەرەكێشانەی لەگەڵ هاتنی ساڵی نوێ پلان و بەرنامەی تایبەت بۆ وازهێنان لە جگەرە دادەنێن، بۆ ئەوەش زۆرجار پرسیاری و پێشنیاری پسپۆڕەكان لەبەرچاو دەگرن.

 

 ماڵپەری ساینس ئاڵرت لە ڕاپۆرتێكیدا لێدوانی چەند زانا و پسپۆڕێكی وەرگرتووە، بەڕای ئەوان چەند ڕێگایەك هەیە دەتوانرێت لەمساڵدا پشتی پێببەسترێت بۆ وازهێنان لەجگەرەكێشان بەتایبەت لەئێستادا كە نەخۆشی كۆڤید 19 بڵاوە.

 

1- ڕێنوێنی ڕەفتاری: بەپێی ئەنجامی زیاتر لە 300 توێژینەوەی جیاواز كەلەسەر 250 هەزار كەس ئەنجامدراوە، پێشكەشكردنی ڕێنمایی و ڕێنوێنی تایبەت لەبارەی وازهێنان لە جگەرەكێشانەوە كاریگەرییەكی زۆری هەیە كەسەكە و یارمەتیدەری دەبێت لەسەر وازهێنان لەو ڕەفتارە.

 

2- پشتگیری كردن لە دوورەوە: توێژینەوەكان هیچ جیاوازییەكیان نەدۆزیوەتەوە لەبارەی كاریگەری ئەو ڕێنماییانە ڕوبەڕو بەكەسێك دەدرێت، یاخود لەڕێگەی تەلەفون و پرۆگرامی ڤیدیۆییەوە پێشكەشیان دەكرێت، واتە سەرجەمیان كاریگەری خۆیان هەیە و یارمەتیدەرن بۆ وازهێنان لە جگەرە، تەنانەت ئەو نامانەی لەڕێی مۆبایلەوە دەگات و باسی زیانەكانی ئەو كردارە دەكات كاریگەری ئەرێنی خۆی هەیە.

 

3- خەڵاتكردن لەبەری وازهێنان لە جگەرە: ئەو پرۆگرامانەی خەڵاتی ماددی ئەو كەسانە دەكەن كە سەركەوتوو بوون لە وازهێنان لە جگەرەكێشان، هۆكارێكی سەركەوتون بۆ ئەوەی كەسانی دیكەش ئەو كارە بكەن.

 

4- بەكارهێنانی چارەسەری جێگرەوەی نیكۆتین: هەرچەندە بەڵگەی زانستی لەبەردەستدا نییە سەبارەت بە كاریگەری جێگرەوەكانی نیكۆتین و پسپۆڕانی تەندروستی داوا لەكەسانی جگەرەكێش ناكان تاوەكو چارەسەر بەكارهێنانی ناكەن، بەڵام كاریگەری لەسەر زۆر كەس هەبووە و یارمەتیدەریان بووە، بەتایبەت ئەوانەی لەشێوەی بنێشت و سپڕای تایبەتدا بوون.

 

5- جگەرەی ئەلەكترۆنی: بەپێی ئەنجامی 50 توێژینەوەی جیاواز كەلەسەر 120 هەزار كەس ئەنجامدراوە، ئەو جگەرە ئەلەكترۆنیانەی نیكۆتینی تێدایە، كاریگەرییان بۆ وازهێنان لە جگەرە كورت خایەنە، بەجۆرێك وادەكەن كەسی جگەرەكێش بۆ ماوەی نزیكەی شەش مانگ لەو كردارە دووربكەوێتەوە، بەڵام ئەو جگەرە ئەلەكترۆنیانەی نیكۆتینیان تێدا نییە، كاریگەری باشتر و زیاتریان هەیە.

 

6- كاریگەری دەرمان و ڕێنمایی پێكەوە: پێشكەش كردنی ڕێنمایی بۆ وازهێنان لەگەڵ بەكارهێنانی چارەسەری تایبەت كاریگەری باشتری هەیە و ئەگەرەكانی وازهێنان لە جگەرە زیاتر دەكات.

 

7- كەمكردنەوەی ڕێژەی ئەو جگەرەیەی كەسێك دەیكێشێت: یەكێك لە ڕێگا سەركەوتووەكان بۆ وازهێنان لە جگەرەكێشان كەمكردنەوەی ژمارە و ڕێژەی ئەو جگەرەیەیە كە كەسێك دەیكێشێت.

 

پسپۆڕەكان دەڵێن "ئەگەر كەسێك جدی بێت لە وازهێنان لە جگەرە، باشترە پشت بە یەكێك یخود چەند دانەیەك لەو ڕێگایانەی سەرەوە ببەستێت، ئەگەر لە جارێكیشدا شكستیان هێنا، ئەوا بێ هیوا نەبن و هەوڵی دیكەی بۆ بدەن، چونكە زۆر كەس پێویستی بە چەند هەوڵێك هەیە، بەڵام لە كۆتایدا سەركەوتوو دەبێت و لە جگەرەكێشان ڕزگاری دەبێت.





ئەم هەواڵە 112جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad