English | عربی | Kurdî دواهەواڵ
ڕاستەوخۆ  
 
تەنیا 42 تووشبووی کۆرۆنا لە نەخۆشخانەکانی سلێمانی ماون
2021-01-10 [08:06 AM]

ZNA ــ هەولێر


گوتەبێژی تەندروستیی سلێمانی رایگەیاند تەنیا 42 نەخۆشی كۆرۆنا لە ‏نەخۆشخانەكانی سلێمانیدا ماون ‌و گوتیشی "لە سلێمانیدا كۆرۆنا بە ‏رێژەی 70% كەمیكردووە".‏

 

یاد نەقشبەندی، گوتەبێژی تەندروستیی سلێمانی بە (تۆڕی میدیایی ‏رووداو)ی رایگەیاند تووشبوون بە كۆرۆنا لە سلێمانی بەشێوەیەكی بەرچاو ‏رووی لە كەمیكردووە، ئەوەش پەیوەندی بە جێبەجێكردنی رێنماییە ‏تەندروستییەكانەوە هەیە لەلایەن هاونیشتمانیانەوە ‌و گوتیشی "ئێستا ‏تەنیا 42 نەخۆشی كۆرۆنا لە نەخۆشخانەكانی سلێمانیدا ماون ‌کە زۆربەیان تەندروستیان جێگیرە، دەتوانین بڵێن لە سلێمانیدا ‏كۆرۆنا بە رێژەی 70% كەمیكردووە".‏

 

ئەو نایشارێتەوە یەكێك لە هۆكارەكانی كەمبوونەوەی رێژی تووشبوون، ‏پەیوەندی بە داخستنی ناوەندەكانی خوێندنەوە هەیە‌ و گوتی :"‏‏ئێستا بەمەرجی خۆپارێزی ‌و جێبەجێكردنی رێنماییەكانی تەندروستی ‏لەگەڵ كردنەوەی ‏قوتابخانەكانین".‏

 

یەکەم کەیسی تووشبوون بە ڤایرۆسی کۆرۆنا لە سنووری پارێزگای سلێمانی لە رۆژی 1-3-2020 تۆمارکرا، یەکەم کەسیش هەر لە سلێمانی لە رۆژی 4-1-2020 بە کۆرۆنا گیانی لەدەستدا.

 

بەپێی دوایین ئاماری وەزارەتی تەندروستیی هەرێمی کوردستان، تائێستا 104 هەزار‌ و 334 كەس تووشی ‏كۆرۆنا بوون و سێ هەزار ‌و 418 كەسیش گیانیان لەدەستداوە. ‏

 

هەر بەپێی ئاماری وەزارەتی تەندروستیی هەرێمی کوردستان 30,103 کەس لە سنووری پارێزگای سلێمانی تووشی کۆرۆنا بوون، 22,674 لەو تووشبووانە چاکبوونەتەوە و 1,666 تووشبووش گیانیان لەدەستداوە.





ئەم هەواڵە 157جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad