English | عربی | Kurdî دواهەواڵ
ڕاستەوخۆ  
 
ئوستراڵیا هاوڵاتیەكی خۆی دەستگیركرد بەتۆمەتی بەرتیلدان بە بەرپرسانی عێراقی
2021-01-12 [07:37 AM]

​ZNA- هەولێر


پۆلیسی ئوسترالیا هاوڵاتیەكی خۆی دەستگیرکرد، بەتۆمەتی ئەوەی بۆ بەدەست هێنانی گرێبەستێكی نەوتی 78 ملیۆن دۆلاری وەکو بەرتیل بە بەرپرسانی حکومەتی عێراق داوە .

پۆلیسی ئوسترالیا باس لەوە دەکات کۆمپانیای لێیتۆن ئۆفشۆر کە لقێکی نێودەوڵەتی لێیتۆن هۆڵدینگزە، لە رێگەی چەند کۆمپانیایێکی گرێبەستکارەوە، لە نێویشیاندا کۆمپانیای یونا ئۆیڵ کە پێگەی سەرەکی لە مۆناکۆیە، هەوڵیداوە دوو گرێبەستی دانانی بۆریی نەوت کە هەردووکیان بە بەهای ملیارێک و 500 ملیۆن دۆلار بوون بەدەستبێنێت

پۆلیسی ئوسترالیا بێ ئەوەی ناوی تۆمەتبارەکە ئاشکرا بکات، رایگەیاند کەسەکە تەمەنی 60 ساڵە و بە تۆمەتی ئەوەی دوو جار زانیاری هەڵەی پێداون، دەستگیریان کردووە، تۆمەتبارەکە لە فەرەنساوە گەڕابووەوە ئوسترالیا و 14 رۆژی لە کەرەنتیندا بەسەربردبوو، دەستگیرکرا.

ساڵی 2019، دوو بەڕێوەبەری جێبەجێکاری کۆمپانیای یونا ئۆیڵ بە تاوانی بەشداریکردنیان لە بەرتیلدان بە بەرپرسانی حکومی ژمارەیەک وڵات لە نێویشیاندا، عێراق، سووریا و ئازەربایجان، دەستگیرکران

هەروەها دوو مانگ لەمەوبەر، هاووڵاتییەکی دیکەی ئوستڕالیی تەمەن 54 ساڵ، بە تۆمەتی تێوەگلانی لە بەرتیلدانەکەی کۆمپانیای لێیتۆن، دەستگیرکرا

 

 

 





ئەم هەواڵە 103جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad