English | عربی | Kurdî دواهەواڵ
ڕاستەوخۆ  
 
ئه‌مرۆ شاندی وه‌زاره‌تى كشتوكاڵی هه‌رێم له‌گه‌ڵ وه‌زاره‌تی كشتوكاڵ و بازرگانی عێراق له‌سه‌ر چه‌ند خاڵێك رێكده‌كه‌ون
2021-01-12 [08:34 AM]

ZNA-هەولێر



وه‌زاره‌تى كشتوكاڵ و سه‌رچاوه‌كانی ئاوی هه‌رێمی كوردستان بڵاوی كره‌وه‌ ، كه‌له‌دوێنێه‌وه‌ ‌شاندێكی وه‌زاره‌ت سه‌ردانی به‌غدایان كردووه‌.

وه‌زاره‌تى كشتوكاڵ ڕایده‌گه‌ێنێت، رۆژی دووشه‌مه‌ 11 ى 1 ى 2021 ، بێگەرد تاڵەبانی وەزیری کشتوکاڵ و سەرچاوەکانی ئاو و شاندێکی باڵای وه‌زاره‌ت سه‌ردانی به‌غدایان كرد و له‌گه‌ڵ هه‌ریه‌كه‌ له‌وه‌زاره‌ته‌كانی  بازرگانی و کشتوکاڵی عێراقیان کرد.

له‌راگه‌یاندراوه‌كه‌ی وه‌زاره‌تى كشتوكاڵ و سه‌رچاوه‌كانی ئاوی هه‌رێمی كوردستاندا هاتووه‌، لەو دوو دانیشتنەدا بە ئامادەبوونی هەردوو وەزیری پەیوەندیدار، باسیان لە هەموو کێشە هەلپەسێردراوەکانی نێوان هەردوو وەزارەتی تایبەتمەند کرد، بەتایبەتی شایستە دارایەکانی جوتیاران و پارێزگاری کردن لە بەرهەمی ناوەخۆیی و بەبازاڕ کردنی بەرهەمەکان.
هه‌روه‌ها راشیده‌گه‌یه‌نن، كه‌بڕیار وایە ئه‌مرۆ سێشه‌ممه‌ 12 ى 1 ى 2021 ،  لێژنەیەکی باڵای هاوبەش بەسەرۆکایەتی هەر دوو وەزیر کۆببنەوە، بۆ ئەوەی کە رێککەوتن بکەن، لەسەر هەموو ئەو خاڵە هاوبەشانەی، کە پێویستە هەردوو وەزارەت هەماهەنگی تەواوەتی بکەن، لە جێبەجێکردنیان و پەرەپێدانی سێکتەری کشتوکاڵ بەتایبەتی کەرتی ئاژەڵی و پەلەوەری و بەروبومەکانی تر.

هه‌روه‌ها رایده‌گه‌یه‌نن، كه‌هه‌ر ئه‌مرۆ کۆبونەوەیەک ئەنجامدەدرێت  لەگەڵ وەزارەتی سەرچاوەکانی ئاوی عێراق، بۆ خستنەڕوی کۆمەڵێ پرۆژە و هەماهەنگی و گەیشتنە ئەنجامی گرنگ لەگەڵ وەزارەتی کشتوکاڵ و سەرچاوەکانی ئاو.

وه‌زاره‌تى كشتوكاڵی هه‌رێمی كوردستان ئاماژه‌ بۆ ئه‌وه‌ش ده‌كات، كه‌بەگشتی بڕیارە بێگەرد تاڵەبانی وەزیری کشتوکاڵ و سەرچاوەکانی ئاو و شاندی یاوەری لەماوەی ئەو دوو ڕۆژە لە بەغدا  سەردان و بەدواداچوونی چڕ ئەنجام بدەن بۆ کێشە و داواکاریەکان و هەماهەنگی و گەیشتنە ئەنجامێکی هاوبەش بۆ کارو پرۆژە و بڕیارەکانی نێوان وەزارەتی کشتوکاڵ و سەرچاوەکانی ئاوی هەرێم و وەزارەتە پەیوەندیدارەکانی حکومەتی عێراق.





ئەم هەواڵە 196جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad