English | عربی | Kurdî دواهەواڵ
ڕاستەوخۆ  
 
یەکەمین گەشتی ئاسمانی نێوان قەتەر و سعودیە ده‌ستی پێكرد
2021-01-12 [11:25 AM]

ZNA - هه‌ولێر


گەشتە ئاسمانیەکانی نێوان قه‌ته‌ر و سعودیە دوای سێ ساڵ له‌وه‌ستانی دەستیان پێکردەوە، له‌مباره‌یه‌وه‌ لە یەکەمین گەشتیدا فڕۆکەیەکی قه‌ته‌ر لە دەوحەی پایتەختی وڵاتەکە بەرەو ڕیاز بەڕێکەوت.

لە مانگی شەشی ساڵی 2017 دا هەریەک لە سعودیە و ئیماڕات و بەحرەین و میسڕ پەیوەندییەکانیان لەگەڵ قه‌ته‌ردا بڕی و بە تۆمەتی پشتیوانیکردن لە تیرۆر تۆمەتبارییان کرد، هاوکاتیش ئاسمانی وڵاتەکانیان بەڕووی فڕۆکە قه‌ته‌رییەکاندا داخست و مامەڵە بازرگانییەکانیان لەگەڵیدا قەدەغەکرد و ڕێگەشیان نەدا هاوڵاتیانی قه‌ته‌ر بێنە وڵاتەکانیانەوە.

بەڵام هەفتەی ڕابردوو لە میانەی کۆبوونەوەی لوتکەی ئەنجومەنی هاریکاری کەنداودا چوار وڵاتەکە ڕێکەوتن لەسەر لابردنی ئەو کۆتوبەندانەی سەپاندبوویان بەسەر قه‌ته‌ردا.

بۆ یەکەمین جار دوای سێ ساڵ و نیو، فڕۆکەیەکی سەر بە هێڵی ئاسمانی قه‌ته‌ر لە دەوحەی پایتەختی قه‌ته‌رەوە بەرەو ڕیاز بەڕێکەوت.

هەریەک لە ئیماڕات و بەحرەینیش ڕایانگەیاند ئاسمانی وڵاتەکانیان بەڕووی فڕۆکە قه‌ته‌رییەکاندا دەکەنەوە، بەڵام کاتی دەستپێکردنەوەی گەشتە ڕاستەوخۆکان دیارینەکراوە.





ئەم هەواڵە 130جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad