English | عربی | Kurdî دواهەواڵ
ڕاستەوخۆ  
 
سیاسەتوانێکی کوردی سووریا: یەکێتیی نێو ماڵی کورد کارتی سەرەکیی دەستی کوردەکانە
2021-01-12 [11:36 AM]

ZNA - هه‌ولێر


 

عەلا بەرەکات، سیاسەتوانی سەربەخۆی کوردی سووریا وتی، بە دەستنیشانکردنی مەکگۆرک وەکوو بەرپرسی سیاسەتەکانی ئەمریکا لە ڕۆژهەڵاتی ناوەڕاست و ئەفریقا هێشتا ناتوانین لێبڕاوانە قسە بکەین بەڵام گرینگ ئەوەیه‌ کوردی سووریا یەکگرتوو بن تا لە دانوستانەکان لەگەڵ ئەکتەرانی سووریادا سەنگیان هەبێت.

وتیشی، هێشتا دەسەڵاتی نوێی ئەمریکا دەست بەکار نەبووە و سیاسەتی ئەمریکا لەبارەی هەندێک بابەت ڕوون نییە و مەکگۆرکیش پێشتر لە سووریا بووە و ئاشنایەتی لەگەڵ پرسی کوردانی سووریا هه‌یه‌.

ئه‌م سیاسەتوانه‌ باسی له‌وه‌ش كرد، ئەوەی بۆ ئێمە گرنگە بە ڕێککەوتنێکی گشتگیری نێوان لایەنە کوردییەکان بگه‌ین کە تا ئەم کاتەش پێی نەگەیشتوون. کاتێک کوردی سووریا یەکڕیز بن دونیا دان بە بوونیاندا دەنێت.

عەلا بەرەکات روونی كرده‌وه‌، بێگومان ڕێگایێک بۆ چارەسەرکردنی هەموو پرسەکانی کوردانی سووریا هەیە بەڵام ڕوون نییە چ کاتێک دەگاتە ئەنجام.

ئه‌وه‌شی خسته‌روو، لە بارودۆخی ئێستادا یەکێتیی نێو ماڵی کورد کارتی سەرەکیی دەستی کوردەکانە و پاش دەستبەکاربوونی دەوڵەتی نوێ لە ئەمریکا دەبێت بەجیدی بەدواداچوون بۆ چارەسەر سیاسیی پرسی سووریا بکرێت.

 

kurdpress





ئەم هەواڵە 286جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad