English | عربی | Kurdî دواهەواڵ
ڕاستەوخۆ  
 
ئایا شێرپەنجە لە دایکەوە بۆ کۆرپەلە دەگوازرێتەوە؟
2021-01-12 [02:34 AM]

ZNA ــ هەولێر


لێکۆڵینەوەیەکی نوێی یابانی ئاماژە بۆ ئەوە دەکات کە دەکرێت نەخۆشیی شێرپەنجە لە دایکی تووشبووەوە بەنەخۆشیی گرێی منداڵدان بۆ کۆرپەلەکەی بگوازرێتەوە، لەحاڵەتێکدا ئەگەر بێت و لەدایکبوونەوەکە بەشێوەی سرووشتیی بووبێت.

توێژەرە یابانییەکان وتویانە دوو منداڵ کە یەکێکیان تەمەنی ٢٣ مانگ و ئەوەی تریان شەش مانگ بووە تووشی شێرپەنجەی سییەکان بوون، دەرکەوتووە لەڕووی جینییەوە لەگەڵ شێرپەنجەی منداڵدانی دایکیان هاوشێوە بوون، بۆیە گومان دەکرێت ئەو دوو منداڵە نەخۆشییەکەیان لە دایکیان و لەکاتی منداڵبووندا بۆ گوازراوەتەوە.

لەوبارەیەوە دوکتۆر ئیمو ئەراکاوا پسپۆڕی گرێ شێرپەنجەییەکانی منداڵان لە نەخۆشخانەی ناوەندی نیشتیمانی بۆ شێرپەنجە لە تۆکیۆ رایگەیاندوە" گومان دەکریت لەهەردوو حاڵەتەکەدا گرێ شێرپەنجەییەکان لەدایکەکەدا پەیدابووبن و لەکاتی لەدایکبووندا بۆ کۆرپەلەکان گوازرابنەوە".

ئاماژەى بەوەشکردوە، گواستنەوەی شێرپەنجە لەدایکەوە بۆ منداڵ زۆر بەدەگمەن روودەدات، بەشێوەیەک لەهەر ٥٠٠ هەزار حاڵەت تەنیا یەک حاڵەت روودەدات.
توێژەرانیش دەڵێن لەدایارترین ئەو شێرپەنجانەی لە دایکەوە بۆ کۆرپەلە دەگوازرێنەوە بریتین لە شێرپەنجەی خوێن و ڕژێنە لیمفاوییەکان و شێرپەنجەی پێست.
بەگوێرەی پێگەی "یو بی ئای"، زاناکان ڕێنمایی دەدەن بەوەی ئەو ئافرەتانەی تووشی شێرپەنجەی گرێی منداڵدان بوون، لەڕێگای نەشتەرگەرییەوە منداڵیان ببێت، تاوەکو مەترسیی گواستنەوەی شێرپەنجە بۆ منداڵی تازاە لەدایکبوو لەڕێگای زێوە دووربخرێتەوە.





ئەم هەواڵە 118جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad