English | عربی | Kurdî دواهەواڵ
ڕاستەوخۆ  
 
دانیشتوانی ویلایەتی کۆلۆرادۆ داوای دادگایی کردنی ترەمپ دەکەن
2021-01-13 [07:38 AM]

ZNA – هەولێر



لە ویلایەتی کۆلۆرادۆی ناوەڕاستی ئەمریکا، ترەمپ بە زیاتر لە 14 خاڵی هەڵبژاردن لەدوای بایدنەوە هات، بۆیە ئێستا زۆرینەی دانیشتووانیشی داوا دەکەن لێپێچینەوە لە ترەمپ بکرێت.

هاوکات لەگەڵ داوای بەشێكی بەرچاوی شەقامی ئەمریکی، ئەنجوومەنی نوێنەران زۆرینەی دیموکراتی ئەمڕۆ دەنگ لەسەر پرۆژە یاسای لێپێچینەوە و دوورخستنەوەی ترەمپ لە دەسەڵات دەکەن. ئەگەری زۆریش بە ئاراستەی پەسندکردنی پرۆژەیاساکە دەڕوات. 

بەڵام ئەنجوومەنی پیران بەر لە 19ی ئەم مانگە کۆ نابێتەوە، واتە یەک رۆژ بەر لە کۆتاییهاتنی ماوەی سەرۆکایەتیی ترەمپ، بۆیە چاک شوومەر کە سەرۆکی کەمینەی دیموکراتەکانی نێو ئەنجوومەنی پیرانە، لە هەوڵدایە بۆ ئەوەی بەر لەو وادەیە کۆبوونەوەیەکی نائاسایی رێکبخات. 

دیموکراتەکان، بەتایبەتی پیلۆسی و شوومەر، دەیانەوێت دادگاییکردنی ترەمپ بخرێتە ئەستۆی لیژنەی دادوەریی نێو ئەنجوومەنی پیران، نەک هەموو ئەندامانی ئەنجوومەنەکە، بەو جۆرەش لێپێچینەوەکە خێراتر دەکرێت. 

دۆناڵد ترەمپ، سەرۆکی ئەمریکا گوتی: "لەبارەی نانسی پیلۆسی و چەک شوومەرەوە کە دەیانەوێت لەسەر ئەو رێگەیە بەردەوام بن، من پێموایە مەترسیی زۆر گەورە بۆ وڵاتەکەمان دروست دەکەن. من هیچ تووندوتیژیم ناوێت". 

سەرۆکی ئەمریکا گوتیشی: "ئەوەی کە جێگەی گرنگیی ئێمەیە ئەوەیە کە نامانەوێت تووندوتیژی ببێت، ئێمە بە تەواوەتی دژی تووندوتیژییەکانین. لەبارەی لێپێچینەوە لە من، من دەڵێم ئەمە درێژەدانە بە گەورەترین فێڵ و درۆی سیاسی بۆ دەستەبەرکردنی ئامانجی سیاسی. ئەمە کارێكی گەمژانەیە. ئەم لێپێچینەوەیە تووڕەییەکی گەورەی لێدەکەوێتەوە، بەڵام ئەوان هەر بەردەوامن لەو کارە کە بە راستی کارێكی قێزەونە"





ئەم هەواڵە 97جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad