English | عربی | Kurdî دواهەواڵ
ڕاستەوخۆ  
 
ژوورا چاکسازیێ باشترین رێکە بۆ چارەسەرکرنا قەیرانا دارایی یا ھەرێمێ
2021-01-13 [06:40 AM]

نڤیسینا : سالح محەمەد تەیرۆ


ھەلبەت یا ئاشکرایە ژی کوھەر ل ساڵا (٢٠١٤)ڤە بودجەیێ ھەرێما کۆردستانێ ژلایێ حکومەتا ناوەندیا عیراقێ ڤە ھاتە برین ھەرچەندە لدویڤ دەستوورێ عیراقا فیدرال ئەو بودجە مافەکێ یاسایی یێ حکومەتا ھەرێما کوردستانێ یە ، دیسان ئەو شەرێ کو زێدەتر ل سێ ساڵ ونیڤا ژلایێ رێکخراوا تیروریستێن داعش ڤە ھاتبوو سەپاندن ب سەر کوردستانێ ، دابەزینا بھایێ پترولێ و ھاتنا زێدەتر ل ئێک ملیون پەناھندە و ئاوارەیێن کوردستانا رۆژ ئاڤا و ناوەند و باشورێ عیراقێ بو ھەرێما کوردستانێ کو ئەڤە ھەموو بونە فاکتەر بۆ دروست بوونا قەیرانا دارایی و بارێ ژیانا خەلکی نەخۆش و بەرتەنگ ب بیت .
تاکو ل بابەتێ خۆ دویرنەکەڤین و ئاماژێ بدەینە ئەوا مەبەست لڤی بابەتی ئەوە ، چەوا حکومەتا ھەرێما کوردستانێ دێ کاریت خو لڤێ قەیرانا دارایی رزگار بکەت و ژیانا ھاوڵاتیێن کوردستانی خۆشتر بکەت بێ کو پێدڤی ب  حکومەتا ناوەندی یا عێراقآ ھەبیت کو نوکە کەسێن شوڤینیێن دژی کوردان برێڤەدبەن .
ھەر چەندە پشتی دەست بکاربوونا کابینەیا نەھێ یا حکومەتا ھەرێما کوردستانێ ب سەروکایەتیا مەسرور بارزانی چەندین بریار ھاتینە دەرکرن ب مەرەما نەھێلانا گەندەلیێ چونکە بەرنامەیێ سەرەکێ یێ کابینا نەھێ  چاکسازی یە ل ھەمی ئالیەکێ ڤە کو ئەڤە ژی دبەرژەوەندیا گشتی دایە و ئومێدا ھەر تاکە کەسەکێ نیشتمانپەروەرآ  کوردستانی یە .
ب ھزرا من و بو پتر سەرکەفتنا ڤی بەرنامەیێ چاکسازیێ ب ئێک ھەڵویستی و بریاردانێن ب وێرانە فەرە ھەمی لایەنێن سیاسی ئەوێن پشکدار و نە پشکدار دحکومەتا ھەرێما کوردستانێ دا پشکدار ببن ب رێکا ئاڤاکرنا ژوورەکا چاکسازیێ ب بەرھەڤبوونا نوێنەرێن ھەمی لایەنێن سیاسی یێن کوردستانی ، ئەو نوێنەرێن دھێنە دەست نیشان کرن  بو ڤێ ژوورێ مرۆڤێن وێرەک وخودان بریار و ھەڵویست بن  وئەو دەستھەڵات ژی ھەبن  کو بریاران بدەن
لێ رەنگە پرسیار بھێتە کرن ئەرێ ئەرکێ ڤێ ژوورا چاکسازیێ دێ چ بیت ؟
و ھەروەکی مە لسەری ژی ئاماژە پێکری کوپارتی و ئێکەتی خودان دەستھەلات و دەستھەلات بووینە ل ھەمی ئالیەکێ ڤە .
لەوما فەرە دڤێ ژوورا چاکسازیێ دا و ب زەڵالی و ب ھەلویستەیەکا نیشتیمانی و نەتەوەیی و ب وێرەکی و بو بەرژەوەندیا گشتی ودویر ل بەرژەوەندیا حزبایەتی وکەسایەتی دەستی دانێنە سەربرینێ و بەرپەرەیەکێ نوی ھەڵدەنەڤە و دانپێدانێ ب خەلەتیێن خو یێن بەرێ دابنێن ڤێجا ئەو خەلەتیە  بو ھەر مەبەستەکێ ھاتبیتە ئەنجام دان و بێژن تا ڤێرە بلا بەس بیت و دەست ب شەفافکرن و زەڵالکرنا داھاتیێن حکومەتێ یێن پترولێ و گومرکا و ناڤخو و چەوانیا خەرج کرنا وان بھێتە کرن و ھەر لایەنەک ژی دژ بیت ل سازیێن راگەھاندنێ ب بەلگەھڤە ئاماژە ب وی لایەنی و ئاستەنگان بھێتە دان تاکو ئەو لایەنێ دژ بو خەلکێ کوردستانێ دیار ب بیت و بەس بیت ھەر لایەنەک خو ب دلسوز بزانیت ، چونکە دسیاسەتێ دا نە دۆژمنێ بەردەوام و نە برایەتیا بەردەوام ھەیە وئەو ھەمی ژی لایەنێن سیاسی یێن کوردستانی َنە.
ئەزێ پشت ڕاستم بڤێ پینگاڤێ دێ پتر ئیکگرتن و ئێک ھەلویستی دنێڤبەرا لایەنێن سیاسی دروست بیتەڤە و ئەڤ دلتەنگی یە ژی دناڤ خەلکێ کوردستانێ دا نامینیت و یا ھەری گرنگ دێ باوەریا خەلکێ کوردستانێ زڤریتەڤە بو دەستھەلاتا حکومەتا ھەرێما کوردستانێ و دێ بەرەڤ ھەرێمەک بھێزڤە چین و مە منەت ب حکومەتا عیراقێ ژی نامینیت و مللەت ژی دێ ھەناسەیەکا ئارامیێ ھەلکێشیت چونکە ب ڤان پێنگاڤان گەندەلی و بن دیواری تارادەیەکێ زور نامینیت و دێ ژ قەیرانا دارایی ژی رزگار بین و کوردستان ژی دێ بەرەڤ ئاڤەدانیەکا زێدەترڤە چیت .





ئەم هەواڵە 391جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad