2021-01-17 [02:36 AM]

  بۆمبێكی چێندراو لە گوندێكی سەر بە قەزای شنگال تەقینەوە بەهۆییەو هه‌شت سەربازی عێراقی و هاووڵاتییەک، كوژران.

مەحما خەلیل قائیمقامی شنگال، بە ئاژاسی هەواڵی ڕاگەیاند: ئەمڕۆ یەكشەممە ۱۷ـی ۱ــی ۲۰۲۱، بۆمبێکی چێندراو لە گوندی (شەرائیحی باكوور)ی سەر بە شنگال تەقییەوە چەند قوربانیەکی لێکەوتەوە

مەحما خەلیل گووتی: لە ئەنجامی تەقینەوەکەدا، حه‌وت سەرباز، فەرماندەیەکی سوپا و هاووڵاتییەک گیانیان لەدەست داوە.

 هەروەها مەحما خەلیل قائیمقامی شنگال ئەوەشی بۆ ئاژانسی هەواڵی زاگرۆس خستەروو گووتی:  "تیمی ئەندازیاریی سەربازی ویستوویانە ئەو بۆمبە چێندراوە بۆ شوێنێكی دیكە بگوازنەوە، به‌ڵام بۆمبەکە لەناو ئۆتۆمبێلەکەدا تەقیوەتەوە"،بە گوێرەی ئەو زانیارییانەی لەلایەن بەرێوەبەری پۆلیسی شنگاله‌وه‌ بە مه‌حما خه‌لیل دراون: "هەشت لە کوژراوەکان سەر بە ئەندازیاری سەربازی عێراقین و پێکدێن لە: فەرماندەی فەوجی ئەندازیاری کە پلەی موقەدەمی هەیە لەگەڵ حه‌وت لە پاسەوانەکانی و کەسێکی سڤیل".

دڵشاد یونس هەرکی