 |
|
|||
ZNA-هەولێر ئەندامێکی ئەنجومەنی نوێنەرانی عێراق لە فراکسیۆنی پارتی دیموکراتی کوردستان رایگەیاند، دوای خوێندنەوەی یەکەم بۆ پڕۆژە یاسای بودجە، ناکۆکیی نێوان فراکسیۆنەکان قوڵتر بوونەوە، بەجۆرێک زۆربەی لایەن و کوتلەکان لە پشکی خۆیان رازی نین.ھەدار بارزانی، ئەندامی ئەنجومەنی نوێنەرانی عێراق لە فراکسیۆنی پارتی دیموکراتی کوردستان، بە ئاژانسی ھەواڵی زاگرۆسی راگەیاند: ململانێیەکی زۆر لە نێوان ھێز و لایەنە سیاسییەکانی گۆڕەپانی سیاسی عێراق دا ھەیە، ئەمڕۆ ناکۆکییەکان قوڵبوونەتەوە و رەنگدانەوەیان بەسەر زۆربەی بوارەکاندا ھەبووە، بەتایبەت لەسەر بابەتێکی گرنگ و ھەستیاری وەکو پڕۆژە یاسای بودجەی ٢٠٢١ی عێراق.ئەندامی ئەنجومەنی نوێنەرانی عێراق لە فراکسیۆنی پارتی دیموکراتی کوردستان گووتی: دوای خوێندنەوەی یەکەم بۆ پڕۆژە یاسای بودجە، ناکۆکیی نێوان فراکسیۆنەکان قوڵتر بوونەوە، بەجۆرێک زۆربەی لایەن و کوتلەکان لە پشکی خۆیان رازی نین نەک تەنیا کورد بەڵکو ئەو بڕگانەشی کە پەیوەستن بە پشکی پارێزگا سوننە نشینەکان و چەند وەزارەتێکیش گلەییان لە بەرکەوتەی وەزارەتەکەیان ھەیە.ھەروەھا ھەدار بارزانی، ئەندامی ئەنجومەنی نوێنەرانی عێراق لە فراکسیۆنی پارتی دیموکراتی کوردستان ئەوەشی بۆ ئاژانسی ھەواڵی زاگرۆس خستەروو، کە بەھۆی بەھێزی ناکۆکییەکان پێدەچێت پەسەندکردنی پڕۆژە یاسای بەدجەی ٢٠٢١ی عێراق دوابکەوێت، ئەمە لەکاتێکدایە بەپێی یاسا ٣ی شوبات دوایین وادەیە بۆ پەسەندکردنی پڕۆژە یاساکە، فراکسیۆنە کوردستانییەکانیش بەیەک دەنگ و یەک ھەڵوێست بەگری لە پشکی ھەرێمی کوردستان دەکەین.
ئەم هەواڵە 367جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad