2021-01-19 [07:07 AM]

ل پەیجێ تایبەتێ خۆ هونەرمەند هەڵگورد قەهار ل تورا جڤاکی فیس بووکێ  روونکرنەک دایە د ڤێ روونکردنێدا داخازا لێبوورنێی کریە ڤەژی دەقا ئەڤێ روونکردنەیە:

روونكرن و لێ بورين.
پشتی خەلەت تێگەهشتن پەیدابووی لسەر كلیپا من یا (خربط) من سەردانا دەستەیا سەروكاتییا پەرلەمانێ كوردستانێ کر. دەستەیا سەرۆکایەتییا پەرلەمانی و ئەندامێن بەرێزێن پەرلەمانی ب رێزڤە ھەلسۆکەفت لگەل من کرن.
دیاربوو كودهەمی بڕگێن كلیپێ دا من یا هەول دای كێم و كاسیێن خەلكی ب ڕێیا ڤێ كلیپێ بگەهینمە پەرلەمانێ كوردستانێ.
سازییا پەرلەمانی ب خوینا هزاران شەهید و خەباتا سەدان ساڵا یا گەلێ كورد هاتيە دامەزراندن ، لەورا نە بو من و نە بو هەر كەسەكێ هەیە بێ ڕێزیێ بەرامبەر بكەت ،ئەس بەرهەڤم بخوین و جان بەرەڤانیێ ژ پەرلەمانێ کوردستانێ بکەم.
هه ر وه سا شاشی د مونتاژی دا هاتبوو كرن سەبارەت سوتنا پەرلەمانی، سەرەرای كو مەرەم نەبوو پەرلەمان بهێتە سوتن ، بەلێ ئەس داخازا لێبوورینێ ژ خەلك و پەرلەمانێ كوردستانێ دكەم كو ئەگەر هەستێ وان هاتبیتە ئێشاندن .