English | عربی | Kurdî دواهەواڵ
ڕاستەوخۆ  
 
لیژنەی كشتوكاڵ و وه‌زاره‌تى بازرگانی گفتوگۆ لەسەر وەرگرتنی شایستە داراییەكانی جووتیاران ده‌كه‌ن
2021-01-20 [07:49 AM]

ZNA-هەولێر


لیژنەی كشتوكاڵ بۆ چارەسەركردنی كێشەی جووتیاران میوانداریی وەزارەتی بازرگانی و كشتوكاڵ دەكات.

لیژنەی كشتوكاڵ و ئاودێری له‌په‌رله‌مانی كوردستان بڵاوی كرده‌وه‌، بەمەبەستی تاووتوێكردنی كێشه‌ی جووتیاران و چه‌ند پرسێكی گرنگی په‌یوه‌ست به‌كارى لیژنه‌كه‌، ، لیژنەی كشتوكاڵ و ئاودێری، دوێنێ سێشه‌ممه‌ 19 ى 1 ى 2021 ، بەسەرپەرشتیی عەبدولستار مەجید سەرۆكی لیژنەو ئامادەبوونی ژمارەیەك لەئەندامان و راوێژكارانی لیژنەكە كۆبووەوە.
 لێژنه‌كه‌ رایده‌گه‌ێنێت، لەكۆبوونەوەكەدا گفتوگۆ لەسەر وەرگرتنی شایستە داراییەكانی جووتیاران لەلایەن بەغدا بۆ ساڵەكانی 2014، 2015، 2016 كرا، كەئەو پارەیە قەرزە لای حكومەتی عێراقی.
لیژنەی كشتوكاڵ و ئاودێری له‌په‌رله‌مانی كوردستان ئاماژه‌ بۆ ئه‌وه‌ش ده‌كات، كه‌لەتەوەرێكی دیكه‌ی كۆبوونەوەكەدا گفتوگۆ لەسەر كێشەو گرفتەكانی زەوییە كشتوكاڵییەكانی جووتیاران كرا، بەتایبەت رووداوی گوندی ئەشكەوسەقا، بۆیە لیژنە بڕیاریدا راپۆرتێك ئامادە بكات و ئاڕاستەی دەستەی سەرۆكایەتیی په‌رله‌مانى بكات و هەوڵیش بدرێت بۆ چارەسەركردن و ئاشتكردنەوەی هەردوو بنەماڵەكە.
هه‌روه‌ها راشیگه‌یاندووه‌، له‌به‌شێكی كۆبوونه‌وه‌كه‌ی ئه‌مڕۆدا لیژنەكە لەگەڵ نوێنه‌رانی جووتیارانی گوندی ئاشۆكان كۆبووه‌وه‌و گفتوگۆیان كرد له‌سه‌ر پرسی دروستكردنی پڕۆژەی هەپی ستی كرد كه‌لەلایەن وڵاتی چین-ە‌وه له‌نزیك ئه‌و گونده‌ ئه‌نجام ده‌درێت‌ و بووەتەهۆی ناڕەزاییی جووتیارانی گوندەكە بەهۆی ئەوەی زەوییەكانیان بەر پڕۆژەكە دەكەوێت، لیژنەكە پشتیوانیی خۆی بۆ جووتیارانی گوندی ئاشۆكان دەربڕی و بڕیاریدا كێشەو ناڕەزایی جووتیارانیش بەنوسراوی فەرمی ئاڕاستەی دەستەی سەرۆكایەتیی پەرلەمان بكات و لەرێگەی ئەوانەوە داوا لەوەزارەتی شارەوانی و كشتوكاڵ و دەستەی وەبەرهێنان بكەن كێشەكه‌ چارەسەر بكرێت.
لەكۆتایی كۆبوونه‌وه‌كه‌شدا لیژنە بڕیاریدا  ئه‌مرۆ چوارشەممە ، میوانداریی وەزارەتی بازرگانی و كشتوكاڵ و نوێنەری جووتیاران بكات بەمەبەستی ئەنجامدانی كۆبوونەوەیەكی فراوان لەسەر دۆزینه‌وه‌ى میكانیزمێكی گونجاو بۆ وەرگرتنی پارەی قەرزی جووتیارانى هه‌رێم له‌لایه‌ن به‌غدا-وه‌.

 





ئەم هەواڵە 244جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad