English | عربی | Kurdî دواهەواڵ
ڕاستەوخۆ  
 
چین و هه‌رێمی كوردستان په‌ره‌ به‌ په‌یوه‌ندییه‌كانیان له ‌بواری كشتوكاڵ و ئاودێری ده‌ده‌ن
2021-01-20 [07:52 AM]

ZNA-هەولێر



 له‌راگه‌یاندراوێكدا وه‌زاره‌تى كشتوكاڵ و سه‌رچاوه‌كانی ئاوی هه‌رێمی كوردستان بڵاوی كرده‌وه‌، كه‌ بێگەرد تاڵەبانی وەزیری کشتوکاڵ و سەرچاوەکانی ئاو پێشوازی لە نی روچی کۆنسوڵی گشتی کۆماری میلی چین كرد و   په‌یوه‌ندییه‌كانی هه‌رێم و وڵاتی چینیان له‌بواره‌كانی كه‌رتی كشتوكاڵ و ئاودێری تاوتوێیان كرد .

وه‌زاره‌ت رایده‌گه‌ێنێت،  ئامانجی سەردانەکەی کۆنسوڵی چین بۆ مەبەستی پەرەپێدانی پەیوەندیەکانی نێوان وەزارەتی کشتوکاڵ وسەرچاوەکانی ئاو و کۆماری چینە، بەتایبەتی لەبواری  توانای بونیادنانی بەنداوەکان و سەرچاوەکانی ئاو بە ئەزمونێکی سەرکەوتوو لە ڕێگەی کۆمپانیاکانی پیشەسازی کشتوکاڵی و گواستنەوەی تەکنەڵۆژیای بەرهەمهێنانی خانوی پلاستیکی بەشێوازێکی زۆر سەردەمی و مۆدێرن، بە جۆرێک کە جوتیارانمان دەتوانن لە هەموو وەرزەکانی ساڵ بەرهەمی ناوەخۆیی بەرهەم بهێنن بە تێچونێکی زۆر گونجاو و کوالێتیەکی زۆر باش.
هه‌روه‌ها راشیده‌گه‌یه‌نن ، بۆ بەهێزکردنی زیاتری ئەو ئاڵوگۆڕی و پەیوەندیانە، لەلایەن خۆیەوە کۆنسوڵی چین بانگهێشتی فەرمی شاندێکی وەزارەتی کشتوکاڵ و سەرچاوەکانی ئاوی کردووە بەسەرۆکایەتی بێگەرد تاڵەبانی وەزیری کشتوکاڵ وسەرچاوەکانی ئاو بۆ کۆماری چین.
  وه‌زاره‌تی كشتوكال ئاماژه‌ بۆ ئه‌وه‌ش ده‌كات، كه‌ لەلایەن خۆیەوە وەزیری کشتوکاڵ و سەرچاوەکانی ئاو سوپاسی پشتیوانی و هەماهەنگی بەردەوامی کۆماری میلی چینی کرد لەبوارەکانی  پێشخستن و بونیادنانی پرۆژەکانی کشتوکاڵی و ئاودێری، وە پشتیوانی تەواوی وەزارەتی دەربڕی بۆ ئەنجامدانی هەموو هەوڵێکی لێکتێگەیشتن کە خزمەتی پەرەپێدانی پەیوەندیە لە مێژینەکانی نێوان هەردوو لا بکات. 
ئه‌وه‌ش خراوه‌ته‌ ڕوو كه‌ لەکۆتایدا چەندین پێشنیار و ڕاسپاردەی گرنگ لە نێوان هەردوو لادا پەسند کران.





ئەم هەواڵە 253جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad