English | عربی | Kurdî دواهەواڵ
ڕاستەوخۆ  
 
پارێزگارێ دهۆكێ بۆ رێڤه‌به‌رێن ناوچه‌داریان رۆتینێ كێمكه‌ن و ئاستێ خزمه‌تكاریان باشتر لێ بكه‌ن
2021-01-25 [09:53 AM]

ZNA-هەولێر


 

 ئه‌ڤرۆ سپێدێ  25/1/2021  ل  كۆچكا پارێزگه‌هێ به‌رێز “ د.على ته‌ته‌ر “ پارێزگارێ دهۆكێ وب ئاماده‌بوونا “ماجد سه‌ید صالح “ جێگرێ پارێزگارێ دهۆكێ ب وه‌كاله‌ت كۆمبوونه‌ك دگه‌ل رێڤه‌به‌رێن ناوچه‌داریێن سه‌ر ب ده‌ڤه‌رداریێن پارێزگه‌ها دهۆكێ ڤە ئه‌نجامدا .
پارێزگارێ دهۆكێ دپه‌یڤه‌كێ دا گۆت: ئارمانج ژ كۆمبوونێ  ئه‌وه‌ كو رێڤه‌رێن ناوچه‌داریان پتر نێزیكى هاولاتیان ببن و هایدارىی گله‌ وگازندێن وان بن و باشتر خزمه‌تا وان بكه‌ن.
هه‌روه‌سا گۆت: ل دووڤ راسپاردێن سه‌رۆكێ حكومه‌تا هه‌رێما كوردستانێ وبه‌رنامێ كابینا (9) یا حكومه‌تێ دڤێت هه‌موو فه‌رمانبه‌ر پێگیریێ ب ده‌واما فه‌رمى بكه‌ن وماملێن هاولاتیان ل دووڤ یاسا و رێنمایێن حكومه‌تێ بله‌ز و دور ژ ڕۆتینێ برێڤه‌ببه‌ن .
د ته‌وه‌ره‌كێ دن دا ته‌كه‌زى ل سه‌ر بجهئینانا رێنمایێن خۆپارێزیێ ژ نه‌خۆشیا كۆرۆنایێ  دناڤ دام وده‌زگه‌هێن حكومه‌تێ دا كر وخواست كو هاولاتى ژى به‌رده‌وام پێگیریێ ب رێنمایێن وه‌زاره‌تا ساخلەمیێ وناڤخویى بكه‌ن وخۆ ژ مه‌ترسیا نه‌خۆشیا كۆرۆنایێ ب پارێزن.
پاشان “ماجد سه‌ید صالح” جێگرێ پارێزگه‌رێ دهۆكێ ب وه‌كاله‌ت د كۆنگره‌كێ رۆژنامه‌ڤانی دا دیاركر كو ئه‌ڤرۆ ل كۆچكا پارێزگه‌هێ مه‌راسیمه‌كا رێزلێنانێ بو هه‌ردوو به‌رێزان بوتان محسن ده‌ڤه‌ردارێ زاخۆھیێ خانه‌نشینكرىی وحسین خالد ده‌ڤه‌ردارێ سێمێلێ یێ خانه‌نشینكرى هاته‌ ئه‌نجامدان .و پارێزگارێ دهۆكێ ب ناڤێ خۆ و حكومه‌تا هه‌رێما كوردستانێن پیرۆزباهى وده‌ستخۆشى ل هه‌ردوو ده‌ڤه‌ردارێن خانه‌نشینكرى كر ل دۆر ئه‌و خزمه‌تا دوور ودرێژ یا پێشكێشكرىی وسه‌ركه‌فتن بۆ خواست هه‌روه‌سا كۆمبوونه‌كا تایبه‌ت دگه‌ل هه‌موو ناوچه‌دارێن پارێزگه‌هێ هاته‌ سازكرن و جه‌نابێ پارێزگارى چه‌ندین رێنمایێن گشتى ئاراسته‌ى وان كرن وه‌كو پێگیریكرن ب ده‌واما فه‌رمى و بجهئینانا رێنما ویاسایێن حكومه‌تا هه‌رێمێ و پارێزگه‌هێ و كێمكرنا رۆتینێ و باشكرنا ئاستێ  خزمه‌تگوزاریان بۆ هاولاتیان هه‌روه‌سا نه‌هێلانا زێده‌گاڤیا ل سه‌ر زه‌ڤى و زارێن میرى و پێگیرێكرنا به‌رده‌وام ب رێنمایێن خۆپاراستنێ ژڤایرۆسێ كۆرۆنایێ.
سه‌باره‌ت گوهورینا رێڤه‌به‌را گۆت: گوهورین ل دووڤ به‌رنامه‌كێ ده‌ستنیشانكرى به‌رده‌وام دێ دناڤ دام وده‌زگه‌هێن میرى دا هێنه‌ كرن و ئارمانج ژێ ئه‌وه‌ ئاستێ خزمه‌تگوزاریان بهێته‌ پێشئێخستن.





ئەم هەواڵە 391جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad