English | عربی | Kurdî دواهەواڵ
ڕاستەوخۆ  
 
جووتیاران داوا دەکەن پرۆژەیەك بگوازێتەوە بۆ زەویەك کە بۆ کشتۆکال نەشێت
2021-01-25 [07:03 AM]

ZNA-هەولێر


 

ئەمرۆ لیژنەی کشتوکاڵ و ئاوەریی پەرلەمان کوردستان، سەردانی گوندەکانی (ئاشۆکان و دارەبەن)ـی کرد و لە نزیکەوە بەدواداچونیان کرد، بۆ گرفتی ژمارەیەک جوتیار کرد کە خاوەنی زیاتر لە چوار هەزار دۆنمی زەوی کشتوکاڵین. 

حاجی سفین گەردی، ئەندامی پەرلەمانی کوردستان بە ئاژانسی هەواڵی زاگرۆسی راگەیاند: گرفتی ئەو جوتیارانە ئەوەیە کە کۆمپانیایەکی چینی نیازی ئەنجامدانی پرۆژەیەکی گەشتیاریی ھەیە،بەناوی (هەپی سیتی)،برا جوتیارەکانیش لەو بڕیارە ناڕازین و نایانەوێت زەویەکانیان بۆ هیچ پرۆژەیەک بەدەر لە کشتوکال بەکاربێت..

حاجی سەفین گەردی گووتی: بەدواداچوون بۆئەم مەبەستە لە نزیکەوە چوینە سەر زەوییەکان کە هەموویان لە باشترین و بەپیتترین زەویە کشوکاڵییەکانی هەولێرن و وە پێمان وایە ئەم پرۆژەیە بگوازریتەوە  بۆ شوێنێکی تری بەردەڵان باشترە چونکە بەراستی ئەم زەویانە لەرووی کشتوکالەوە سودێکی زۆری ھەیە.

هەروەها حاجی سفین گەردی، ئەندامی پەرلەمانی کوردستان ئەوەشی بۆ ئاژانسی هەواڵی زاگرۆس خستەروو گووتی :لەگەڵ ئەوەی دروستکردنی ئەو پرۆژەیەیی کۆمپانیا چینییەکەش بە پێویست دەزانین،بەڵام پێویستە ئەو شوێنانەی کەزەوی بەردەڵانن یان ئەو زەوییانەی کە بۆ کشتوکاڵ ناشێن، بۆیان تەرخان بکات وە بیر لە گۆڕینی ئەو زەویە کشتوکاڵییانە نەکرێتەوە،  سەرۆکایەتی پەرلەمانمان لەو بابەتە ئاگادار کردوەتەوە و لەگەڵ لایەنی پەیوەندیداریش لەسەر خەت دەبین و پشتیوانی تەواوی داوای ئەو جوتیارانە دەکەین .

D.H





ئەم هەواڵە 526جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad