English | عربی | Kurdî دواهەواڵ
ڕاستەوخۆ  
 
ئەوەی لەبارەی ئاوی برنجەوە نەتانزانیوە
2021-01-26 [03:43 AM]

ZNA ــ هەولێر


 

ئاوی برنج دەوڵەمەندە بە كۆمەڵێك پێكهاتەی زۆر گرنگ كە بە سوودن بۆ تەندروستی پێست لەوانە زیاتر لە (16%) ی پێكهاتەكەی پرۆتینە كە بنچینەی دروست بوونی خانەكانی پێستە، هەروەها چەوری و نیشاستەی تێدایە كە بەرپرسیارن لە پاراستنی تەندروستی پێست بە چەندین ڕێگەی جیاواز، ئەو بەشەی دیكەش كە دەمێنێتەوە پێكدێت لە كاربۆهیدرات و ئینۆستۆڵ و ماددەی نائەندامی، بۆیە هەموو ئەم پێكهاتانەی كە لە ئاوی برنجدا هەیە دەیكەنە پێكهاتەیەكی نموونەیی بۆ دەستكەوتنی پێستێكی درەشاوە.

سودەكانی ئاوی برنج ...

1. درەوشانەوەی پێست : لە ئاوی برنجدا ئەنزیمەكانی درەوشانەوەی پێست هەیە، هەر بۆیەش ئاوی برنج پێكهاتەی سەرەكیە لەو تێكەڵەیەی كە لە نەریتی كۆری و ژاپۆنیەكاندا كە بەكاریدەهێنن بۆ نەهێشتنی كونە ڕەشەكانی پیست.

2. دژە پیریە ... 

ئاوی برنج بەوە ناسراوە كە دەوڵەمەندە بە دژە ئۆكسانەكان و ماددەی ئیلاستینی تێدایە كە بەرپرسە لە ڕێكخستنی كشانی پێست و پێست لە كشان و لۆچ بوون دەپارێزێت بۆیە بەكارهێنانی زۆری ئاوی برنج پێست بەدوردەكات لە زوو دەركەوتنی نیشانەكانی پیری لەسەر ڕووخسار.

3. شوێنەواری سوتاوی بەرخۆر ناهێڵێت ... 

دوور لە هەموو ماددە كیمیاییەكان و وەكو ماددەیەكی خاو ئاوی برنج دەتوانێت كاریگەری هەبێت لەسەر شوێنەواری سوتاوی بەر خۆر بە تایبەت سوربوونەوەو خوران و هەوكردنی پێست.

4. ڕەونەق دان بە پێستی چەور ... 

ئاوی برنج بە هۆی نیشاستەكەیەوە كاریگەرییەكی زۆری هەیە لە داخستنی كونیلە كراوەكانی پێستی چەور، ئەگەر بێت و بە پەموویەك ئاوی برنج بە پێستەكەدا بڵاوبكرێتەوە، ئەمەش دەبێتە هۆی یەكخستنی كونیلەكان و یەك ڕەنگكردنی پێست.

ڕێگەكانی ئامادەكردنی ئاوی برنج بۆ پێست زۆر سادەو ئاسانن دەتوانێت برنجەكە لە ئاو بكەیت بۆ ماوەی (30) خولەك و پاشان كە ڕەنگی ئاوی برنجەكە گۆرا بۆ ڕەنگە نیشاستەییەكەی دەتوانرێت ئاوەكەی لێ جیا بكرێتەوەو بۆ پێست بەكار بهێنرێت وە ئەم ئاوە ئەگەر لە ساردكەرەوەدا هەڵبگیرێت دەتوانرێت بۆ ماوەی یەك هەفتە سودی لێ وەربگیرێت.

یاخود دەتوانین بە ڕێگەی كوڵاندن ئاوی برنج دروست بكەین، ئەویش پاش كوڵانی بۆ ماوەی (15) خولەك دەتوانین ئاوەكەی لێ جیا بكەینەوەو بە هەمان شێوەی ئامادەكردنی پێشو سودی لێ وەبگرین پاش سارد بوونەوەی.





ئەم هەواڵە 211جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad